ബ്രൂണോയാണ് താരം,പോർച്ചുഗൽ പ്രീ ക്വാർട്ടറിൽ!

ഖത്തർ വേൾഡ് കപ്പിൽ നടന്ന തങ്ങളുടെ രണ്ടാം മത്സരത്തിൽ പോർച്ചുഗലിന് വിജയം. എതിരില്ലാത്ത രണ്ടു ഗോളുകൾക്കാണ് പോർച്ചുഗൽ ലാറ്റിനമേരിക്കൻ വമ്പൻമാരായ ഉറുഗ്വയെ പരാജയപ്പെടുത്തിയത്. ഇതോടെ പ്രീ ക്വാർട്ടറിൽ പ്രവേശിക്കാനും പോർച്ചുഗലിന് സാധിച്ചു.

മത്സരത്തിന്റെ ആദ്യപകുതിയിൽ ഗോളുകൾ ഒന്നും പിറന്നിരുന്നില്ല.54ആം മിനുട്ടിലാണ് ബ്രൂണോയുടെ ഗോൾ വന്നത്.താരത്തിന്റെ ക്രോസാണ് ഒരു ഗോളായി മാറിയത്.റൊണാൾഡോയുടെ ഇടപെടൽ ആ ക്രോസിൽ ഉണ്ടായിരുന്നു. മത്സരത്തിന്റെ അധികസമയത്ത് പെനാൽറ്റിയിൽ നിന്നും ബ്രൂണോയുടെ രണ്ടാം ഗോൾ പിറന്നു.ഉറുഗ്വൻ താരത്തിന്റെ ഹാൻഡ് ബോൾ കാരണമായി കൊണ്ടാണ് പെനാൽറ്റി ലഭിച്ചിരുന്നത്.

ഇനി പോർച്ചുഗല്ലിന്റെ അടുത്ത എതിരാളികൾ സൗത്ത് കൊറിയയാണ്.ഇന്നത്തെ ഇരട്ട ഗോളോട് കൂടി ബ്രൂണോ രണ്ട് ഗോളുകളും രണ്ട് അസിസ്റ്റുകളും വേൾഡ് കപ്പിൽ പൂർത്തിയാക്കി കഴിഞ്ഞു.