ബാഴ്സയിലെ പോലെയല്ലായിരുന്നു പിഎസ്ജിയിൽ, അതുകൊണ്ടാണ് വേൾഡ് കപ്പ് കിട്ടിയത്:മെസ്സിയെ കുറിച്ച് എംബപ്പേ.

രണ്ടുവർഷത്തോളമാണ് സൂപ്പർ താരങ്ങളായ ലയണൽ മെസ്സിയും കിലിയൻ എംബപ്പേയും ഒരുമിച്ച് പിഎസ്ജിയിൽ കളിച്ചത്. പ്രതീക്ഷക്കൊത്ത് തിളങ്ങാത്തതിനാൽ മെസ്സി പിഎസ്ജി വിടുകയായിരുന്നു. മാത്രമല്ല ലോകത്തെ ഏറ്റവും വലിയ മത്സരത്തിൽ മെസ്സിയും എംബപ്പേയും മുഖാമുഖം വന്നിരുന്നു. വേൾഡ് കപ്പ് ഫൈനലിൽ എംബപ്പേയെ പരാജയപ്പെടുത്തി കൊണ്ടായിരുന്നു ലയണൽ മെസ്സിക്ക് കിരീടം നേടിയിരുന്നത്.

ഒരു താരം എന്ന നിലയിൽ നിങ്ങൾ എത്രത്തോളം മാറി അതല്ലെങ്കിൽ വികാസം പ്രാപിച്ചുവെന്ന് എംബപ്പേയോട് ചോദിക്കപ്പെട്ടിരുന്നു. മെസ്സിയെയാണ് ഉദാഹരണമായി കൊണ്ട് എംബപ്പേ ചൂണ്ടിക്കാണിച്ചിട്ടുള്ളത്. ഫുട്ബോൾ ചരിത്രത്തിലെ ഏറ്റവും മികച്ച താരം പോലും കാര്യങ്ങൾ മാറ്റിയിട്ടുണ്ടെന്നാണ് എംബപ്പേ പറഞ്ഞിട്ടുള്ളത്.അദ്ദേഹത്തിന്റെ വാക്കുകൾ ഇങ്ങനെയാണ്.

” ലോകത്തിലെ ഏറ്റവും മികച്ച താരം പോലും തന്റെ കളിയിൽ മാറ്റങ്ങൾ വരുത്തിയിട്ടുണ്ട്. ഞാൻ ലയണൽ മെസ്സിക്കൊപ്പം കളിച്ചിട്ടുണ്ട്.അദ്ദേഹം അദ്ദേഹത്തിന്റെ കളിയിൽ മാറ്റം വരുത്തിയിട്ടുണ്ട്. ബാഴ്സലോണയിൽ ഉണ്ടായിരുന്ന മെസ്സി അല്ലായിരുന്നു പാരീസിൽ, പക്ഷേ ആ മാറ്റമാണ് യഥാർത്ഥത്തിൽ അദ്ദേഹത്തിന് വേൾഡ് കപ്പ് നേടിക്കൊടുത്തത്. മത്സരത്തിൽ എന്റെ ടീമിനെ ആക്രമണത്തിലും പ്രതിരോധത്തിലും സഹായിക്കുക എന്നുള്ളത് മാത്രമാണ് എന്റെ ലക്ഷ്യം ” ഇതാണ് എംബപ്പേ പറഞ്ഞിട്ടുള്ളത്.

കഴിഞ്ഞ ജിബ്രാൾട്ടറിനെതിരെയുള്ള മത്സരത്തിൽ എതിരില്ലാത്ത 14 ഗോളുകൾക്കായിരുന്നു ഫ്രാൻസ് വിജയിച്ചിരുന്നത്. മത്സരത്തിൽ മൂന്ന് ഗോളുകളും മൂന്ന് അസിസ്റ്റുകളും നേടിയത് എംബപ്പേയായിരുന്നു. തകർപ്പൻ പ്രകടനമാണ് ക്ലബ്ബിനു വേണ്ടിയും രാജ്യത്തിനു വേണ്ടിയും ഇപ്പോൾ എംബപ്പേ നടത്തിക്കൊണ്ടിരിക്കുന്നത്.