ഫോർമേഷനിൽ മാറ്റം വരുത്താൻ സ്കലോണി, ഉറുഗ്വക്കെതിരെയുള്ള അർജന്റീനയുടെ സാധ്യത ഇലവൻ ഇങ്ങനെ!
ഈ കോപ്പയിലെ തങ്ങളുടെ ആദ്യമത്സരത്തിൽ ചിലിയോട് സമനില വഴങ്ങാനായിരുന്നു അർജന്റീനയുടെ വിധി. അത്കൊണ്ട് തന്നെ രണ്ടാം മത്സരത്തിൽ വിജയം മാത്രമായിരിക്കും അർജന്റീനയുടെ ലക്ഷ്യം. എന്നാൽ കാര്യങ്ങൾ എളുപ്പമാവില്ല. എതിരാളികൾ ഉറുഗ്വയാണ്.ശനിയാഴ്ച്ച ഇന്ത്യൻ സമയം പുലർച്ചെ 5:30-നാണ് അർജന്റീന ഉറുഗ്വയെ നേരിടുക. ഈ മത്സരത്തിൽ എന്ത് വിലകൊടുത്തും വിജയിക്കണമെന്ന് തന്നെയാണ് അർജന്റീന ലക്ഷ്യം വെക്കുന്നത്. അത്കൊണ്ട് തന്നെ ഫോർമേഷനിൽ വരെ മാറ്റം വരുത്താൻ സ്കലോണി ആലോചിക്കുന്നുണ്ട്. കൂടുതൽ പ്രതിരോധത്തിലൂന്നിയ ഒരു ഫോർമേഷനാണ് നിലവിൽ സ്കലോണി ആലോചിക്കുന്നത്. അർജന്റൈൻ മാധ്യമമായ ഡയാരിയോ ഒലെയാണ് ഇക്കാര്യം റിപ്പോർട്ട്‌ ചെയ്തിരിക്കുന്നത്.
📋🇦🇷⚽️ Lionel Scaloni prepara el equipo para el clásico con Uruguay: Messi, claro, va de entrada… ¿Quiénes lo acompañan? https://t.co/iBcnO0eCrJ
— Diario Olé (@DiarioOle) June 17, 2021
ഇതുപ്രകാരം 5-3-2 എന്ന ഫോർമേഷൻ നടപ്പിലാക്കാനാണ് സ്കലോണി ആലോചിക്കുന്നത്. പരിക്കിൽ നിന്നും മുക്തനായ ക്രിസ്റ്റ്യൻ റൊമേറോയെ ഉൾപ്പടുത്തി അഞ്ച് പേരെ ഡിഫൻഡിൽ വിനിയോഗിക്കാനാണ് സ്കലോണി ആലോചിക്കുന്നത്. അങ്ങനെയാണേൽ മോണ്ടിയേൽ-ഓട്ടമെന്റി-റൊമേറോ-ലിസാൻഡ്രോ മാർട്ടിനെസ്-അക്യുന എന്നിവർ ഡിഫൻസിൽ ഉണ്ടാവും.ലുകാസ് മാർട്ടിനെസ് ക്വാർട്ട, നിക്കോളാസ് ടാഗ്ലിയാഫിക്കോ എന്നിവർക്ക് സ്ഥാനം നഷ്ടമായേക്കും.മധ്യനിരയിൽ ഡിപോൾ, പരേഡസ്, ലോ സെൽസോ എന്നിവർ തന്നെ അണിനിരക്കും.ഗോളടി ചുമതല മെസ്സിക്കും ലൗറ്ററോ മാർട്ടിനെസിനുമായിരിക്കും.നിക്കോളാസ് ഗോൺസാലസിന് സ്ഥാനം നഷ്ടമാവും.
സാധ്യത ലൈനപ്പ് ഇങ്ങനെയാണ്..
5-3-2: Emiliano Martínez; Montiel, Otamendi, Romero, Lisandro Martínez, Acuña; De Paul, Paredes, Lo Celso; Messi and Lautaro Martínez.
ഇനി മറ്റൊരു സാധ്യത ഇലവൻ കൂടി ഇവർ പങ്കുവെക്കുന്നുണ്ട്. അത്‌ ഇങ്ങനെയാണ്..
With a 4-3-3: Emiliano Martínez; Montiel, Romero (or Martínez Quarta or Pezzella), Otamendi, Tagliafico; De Paul, Paredes, Lo Celso; Messi, Lautaro Martínez and Nicolás González (or Di María).
