ഫിഫ ബെസ്റ്റ് പുരസ്കാരം മെസ്സി സ്വന്തമാക്കും:കേരളത്തിലെ ഫുട്ബോൾ ആരാധകർ!

കഴിഞ്ഞ വർഷത്തെ ഏറ്റവും മികച്ച ഫുട്ബോൾ താരത്തിനുള്ള പുരസ്കാരം ഫിഫ ഇന്നാണ് പ്രഖ്യാപിക്കുക. ഇന്ന് രാത്രി ഇന്ത്യൻ സമയം 1:30ന് പാരീസിൽ വെച്ചാണ് ഈ ഒരു ചടങ്ങ് നടക്കുക. ആരായിരിക്കും ഇത്തവണത്തെ ഏറ്റവും മികച്ച താരത്തിനുള്ള പുരസ്കാരം നേടുക എന്നുള്ളതാണ് ഏവരും ഉറ്റുനോക്കുന്നത്.

ഇതിന്റെ ഫൈനൽ ലിസ്റ്റിൽ ഇപ്പോൾ ഉൾപ്പെട്ടിരിക്കുന്നത് മൂന്ന് താരങ്ങളാണ്.ലയണൽ മെസ്സി,കിലിയൻ എംബപ്പേ,കരീം ബെൻസിമ എന്നവരാണ് ആ മൂന്നു താരങ്ങൾ. ലയണൽ മെസ്സിക്ക് ആണ് പലരും ഇപ്പോൾ ഏറ്റവും കൂടുതൽ സാധ്യതകൾ കൽപ്പിക്കുന്നത്.എന്നാൽ എംബപ്പേ അർഹിക്കുന്നു എന്ന് അവകാശപ്പെടുന്നവരും ഉണ്ട്.

കേരളത്തിലെ ഏറ്റവും വലിയ ഫുട്ബോൾ യൂട്യൂബ് ചാനലായ Raftalks തങ്ങളുടെ യൂട്യൂബ് ചാനലിന്റെ കമ്മ്യൂണിറ്റി ടാബിൽ ഒരു പോൾ സംഘടിപ്പിച്ചിരുന്നു. 4 മണിക്കൂർ മുന്നേ മാത്രം സംഘടിപ്പിച്ച ആ പോളിൽ 12000 ആളുകളാണ് പങ്കെടുത്തിട്ടുള്ളത്.ആരാണ് ഫിഫ ബെസ്റ്റ് പുരസ്കാരം നേടുക എന്നാണ് ചോദ്യമായി നൽകിയിട്ടുള്ളത്.

81% ആളുകളും ലയണൽ മെസ്സി ഈ പുരസ്കാരം സ്വന്തമാക്കും എന്നാണ് അവകാശപ്പെട്ടിട്ടുള്ളത്. 13% ആളുകൾ കിലിയൻ എംബപ്പേയെ പിന്തുണച്ചപ്പോൾ കേവലം 5% മാത്രമാണ് കരീം വോട്ട് രേഖപ്പെടുത്തിയിട്ടുള്ളത്. അതായത് മലയാളി ഫുട്ബോൾ ആരാധകരിൽ ഭൂരിഭാഗം പേരും പറയുന്നത് മെസ്സി തന്നെയാണ് ഇത്തവണ ഫിഫ ബെസ്റ്റ് സ്വന്തമാക്കുക എന്നുള്ളതാണ്. അദ്ദേഹത്തിന്റെ ആരാധകർ എല്ലാവരും അത് തന്നെയാണ് പ്രതീക്ഷിച്ചിരിക്കുന്നതും.