പെനാൽറ്റി പാഴാക്കിയ കാര്യത്തിലും റെക്കോർഡിട്ട് മെസ്സി!

ഖത്തർ വേൾഡ് കപ്പിൽ നടന്ന തങ്ങളുടെ അവസാന ഗ്രൂപ്പ് ഘട്ട മത്സരത്തിൽ അർജന്റീന പോളണ്ടിനെ പരാജയപ്പെടുത്തിയിരുന്നു. എതിരില്ലാത്ത രണ്ട് ഗോളുകൾക്കാണ് അർജന്റീന വിജയം നേടിയിട്ടുള്ളത്.മാക്ക് ആല്ലിസ്റ്റർ,ജൂലിയൻ ആൽവരസ് എന്നിവരാണ് അർജന്റീനയുടെ ഗോളുകൾ നേടിയിട്ടുള്ളത്. ഇതോടുകൂടി അർജന്റീന പ്രീ ക്വാർട്ടറിൽ പ്രവേശിക്കുകയും ചെയ്തു.

ആദ്യ പകുതിയിൽ അർജന്റീനക്ക് അനുകൂലമായ ഒരു പെനാൽറ്റി ലഭിച്ചിരുന്നു. മെസ്സിയെ ഫൗൾ പോളണ്ട് ഗോൾകീപ്പറായ ഷെസ്‌നി ഫൗൾ ചെയ്തതിന്റെ ഫലമായാണ് പെനാൽറ്റി ലഭിച്ചത്.തുടർന്ന് പെനാൽറ്റിയെടുത്ത മെസ്സിക്ക് പിഴവ് സംഭവിക്കുകയും ചെയ്തിരുന്നു. അതായത് ഷെസ്‌നി തന്നെ ആ പെനാൽറ്റി തടഞ്ഞിടുകയായിരുന്നു.

ഇപ്പോഴിതാ മറ്റൊരു കണക്ക് മെസ്സിയെ തേടി എത്തിയിട്ടുണ്ട്. അതായത് രണ്ട് വേൾഡ് കപ്പുകളിൽ പെനാൽറ്റി നഷ്ടപ്പെടുത്തുന്ന കേവലം രണ്ടാമത്തെ താരം മാത്രമാണ് ലയണൽ മെസ്സി.ഘാന താരമായ അസമോവ ഗ്യാനാണ് ഒന്നാമത്തെ താരം.

2006,2010 വേൾഡ് കപ്പുകളിൽ ആയിരുന്നു ഗ്യാൻ പെനാൽറ്റി പാഴാക്കിയത്. അതേസമയം കഴിഞ്ഞ വേൾഡ് കപ്പിലും മെസ്സി പെനാൽറ്റി പാഴാക്കിയിരുന്നു. മെസ്സി വേൾഡ് കപ്പിൽ എടുത്ത ആകെ 3 പെനാൽറ്റികളിൽ രണ്ടെണ്ണവും അദ്ദേഹം പാഴാക്കുകയാണ് ചെയ്തിട്ടുള്ളത്.

ഏതായാലും പെനാൽറ്റികൾ മെസ്സിയെ സംബന്ധിച്ചിടത്തോളം പലപ്പോഴും പേടിപ്പെടുത്തുന്ന ഒരു കാര്യം തന്നെയാണ്.എന്നിരുന്നാൽ പോലും ഇന്നലെ മികച്ച പ്രകടനം നടത്താൻ മെസ്സിക്ക് കഴിഞ്ഞിട്ടുണ്ട് എന്നുള്ളത് വസ്തുതയാണ്.