നോക്കോട്ട് സ്റ്റേജ് ശാപം തീർത്തു,മെസ്സിയുടെ മാസ്മരിക പ്രകടനത്തിൽ കണ്ണുമിഴിച്ച് ഫുട്ബോൾ ലോകം!

ഖത്തർ വേൾഡ് കപ്പിൽ ഇന്നലെ നടന്ന ക്വാർട്ടർ ഫൈനൽ പോരാട്ടത്തിൽ അർജന്റീന ഓസ്ട്രേലിയയെ പരാജയപ്പെടുത്തിയിരുന്നു. ഒന്നിനെതിരെ രണ്ടു ഗോളുകൾക്കായിരുന്നു അർജന്റീനയുടെ വിജയം.ലയണൽ മെസ്സി,ഹൂലിയൻ ആൽവരസ് എന്നിവരുടെ ഗോളിലാണ് അർജന്റീന വിജയം നേടിയിട്ടുള്ളത്.

ലയണൽ മെസ്സി തന്നെയാണ് ഒരിക്കൽ കൂടി അർജന്റീനയുടെ രക്ഷിക്കത്തിയത്. മത്സരത്തിന്റെ 35ആം മിനുട്ടിലാണ് മെസ്സിയുടെ മിന്നും ഗോൾ പിറക്കുന്നത്.ബോക്സിനകത്ത് വെച്ച് ലഭിച്ച ബോൾ മെസ്സി ഡിഫന്റർമാർക്കിടയിലൂടെ സുന്ദരമായി വലയിലേക്ക് എത്തിക്കുകയായിരുന്നു.57ആം മിനുട്ടിലാണ് ആൽവരസിന്റെ ഗോൾ പിറന്നത്. ഇതോട് കൂടി അർജന്റീന വിജയമുറപ്പിക്കുകയായിരുന്നു.

ലയണൽ മെസ്സി ഈ വേൾഡ് കപ്പിൽ മൂന്ന് ഗോളുകൾ ഇപ്പോൾ പൂർത്തിയാക്കി കഴിഞ്ഞു. കൂടാതെ ഒരു അസിസ്റ്റും മെസ്സിയുടെ പേരിലുണ്ട്. എന്നാൽ മെസ്സിക്ക് വേൾഡ് കപ്പിൽ ഒരു നോക്കോട്ട് ശാപം ഉണ്ടായിരുന്നു. അതായത് വേൾഡ് കപ്പിന്റെ നോക്കോട്ട് ഘട്ടത്തിൽ ഒരു ഗോൾ പോലും മെസ്സിക്ക് നേടാൻ കഴിഞ്ഞിരുന്നില്ല. ആ ശാപം ഇപ്പോൾ മെസ്സി തിരുത്തിക്കുറിച്ചിട്ടുണ്ട്.

തന്റെ പ്രൊഫഷണൽ കരിയറിലെ 1000ആം മത്സരമാണ് മെസ്സി ഇന്നലെ കളിച്ചിരുന്നത്.വേൾഡ് കപ്പിൽ ആകെ 9 ഗോളുകൾ പൂർത്തിയാക്കാൻ മെസ്സിക്ക് കഴിഞ്ഞു. 10 ഗോളുകൾ നേടിയിട്ടുള്ള ഗബ്രിയേൽ ബാറ്റിസ്റ്റ്യൂട്ട മാത്രമാണ് അർജന്റീന താരങ്ങളിൽ മെസ്സിക്ക് മുകളിലുള്ളത്. ഏതായാലും ലയണൽ മെസ്സിയുടെ ചിറകിലേറിക്കൊണ്ട് അർജന്റീന മുന്നോട്ട് പോകുന്നതാണ് ഇപ്പോൾ കാണാൻ കഴിയുന്നത്.