ഞങ്ങൾക്ക് മെസ്സിയുണ്ട്,ഖത്തറിലേക്ക് പോവുന്നത് കിരീടം ചൂടാൻ : അർജന്റൈൻ താരം!

നിലവിൽ ഫുട്ബോൾ ലോകത്ത് സ്ഥിരതയാർന്ന പ്രകടനം കാഴ്ച്ചവെക്കുന്ന ടീമുകളിൽ ഒന്നാണ് ലാറ്റിനമേരിക്കൻ ചാമ്പ്യന്മാരായ അർജന്റീന.കഴിഞ്ഞ മൂന്നു വർഷത്തിനിടെ ഒരൊറ്റ മത്സരത്തിൽ പോലും അർജന്റീന പരാജയപ്പെട്ടിട്ടില്ല.കോപ അമേരിക്കയും ഫൈനലിസിമയും നേടാൻ അർജന്റീനക്ക് സാധിച്ചിരുന്നു.

അതുകൊണ്ടുതന്നെ വരുന്ന വേൾഡ് കപ്പിൽ കിരീട ഫേവറേറ്റുകളായി പലരും കണക്കാക്കുന്നത് അർജന്റീനയെയാണ്. അർജന്റീനയുടെ ഗോൾകീപ്പറായ യുവാൻ മുസ്സോയും ഇതേ അഭിപ്രായക്കാരൻ തന്നെയാണ്. ഞങ്ങൾക്ക് മെസ്സിയുണ്ടെന്നും ഖത്തറിലേക്ക് അർജന്റീന പോകുന്നത് കിരീടം ചൂടാൻ മാത്രമാണ് എന്നുമാണ് മുസ്സോ പറഞ്ഞിട്ടുള്ളത്. അദ്ദേഹത്തിന്റെ വാക്കുകളെ സ്കൈ സ്പോർട് റിപ്പോർട്ട് ചെയ്യുന്നത് ഇങ്ങനെയാണ്.

” അർജന്റീന എപ്പോഴും വേൾഡ് കപ്പിലെ ഫേവറേറ്റുകളാണ്. ഇത്തവണയും അങ്ങനെ തന്നെ.ഞങ്ങൾക്ക് മെസ്സിയുണ്ട്. മെസ്സിക്ക് പുറമെ ഒരുപാട് ക്വാളിറ്റി താരങ്ങളും ഞങ്ങൾക്കുണ്ട്. ഞങ്ങൾ ഖത്തറിലേക്ക് പോകുന്നത് കിരീടം നേടാൻ വേണ്ടി മാത്രമാണ് ” ഇതാണ് മുസ്സോ പറഞ്ഞിട്ടുള്ളത്.

വേൾഡ് കപ്പിന്റെ ഗ്രൂപ്പ് ഘട്ടം അർജന്റീനയെ സംബന്ധിച്ചിടത്തോളം താരതമ്യേനെ എളുപ്പമാണ്.ഗ്രൂപ്പ് സിയിലാണ് അർജന്റീന ഉൾപ്പെട്ടിട്ടുള്ളത്.സൗദി അറേബ്യ,മെക്സിക്കോ,പോളണ്ട് എന്നിവരാണ് അർജന്റീനയുടെ എതിരാളികൾ.