ഗോളടിച്ച് മെസ്സി,റിക്വെൽമിയുടെ വിടവാങ്ങൽ ആഘോഷമാക്കി!

അർജന്റൈൻ ഇതിഹാസമായ യുവാൻ റോമൻ റിക്വൽമിക്ക് ഇന്നലെ ഒരു വിടവാങ്ങൽ മത്സരം സംഘടിപ്പിക്കപ്പെട്ടിരുന്നു.അർജന്റീനയും ബൊക്ക ജൂനിയർസും തമ്മിലായിരുന്നു ഈ മത്സരത്തിൽ ഏറ്റുമുട്ടിയത്. ബൊക്ക ജൂനിയേഴ്സിന്‍റെ മൈതാനമായ ലാ ബൊമ്പനേരയിൽ വെച്ചു കൊണ്ടായിരുന്നു ഈ മത്സരം അരങ്ങേറിയിരുന്നത്.സൂപ്പർ താരം ലയണൽ മെസ്സി ഉൾപ്പെടെയുള്ള ഒരുപാട് ഇതിഹാസങ്ങൾ ഈ മത്സരത്തിൽ പങ്കെടുത്തിരുന്നു.

റിക്വൽമിയും പരേഡസുമൊക്കെ ബൊക്ക ജൂനിയേഴ്സിന്റെ ജേഴ്സിയായിരുന്നു അണിഞ്ഞിരുന്നത്. അതേസമയം ലയണൽ മെസ്സി അർജന്റീന ദേശീയ ടീമിന് വേണ്ടി കളിച്ചു.രണ്ടാം പകുതിയിൽ ലയണൽ മെസ്സി ഒരു ഗോൾ നേടുകയും ചെയ്തിരുന്നു. അതേസമയം റിക്വൽമിയും ഈ മത്സരത്തിൽ ബൊക്കക്ക് വേണ്ടി ഗോൾ നേടി.

മത്സരത്തിൽ മൂന്നിനെതിരെ അഞ്ചു ഗോളുകൾക്കാണ് അർജന്റീന ടീമിനെ ബൊക്ക ജൂനിയേഴ്സ് പരാജയപ്പെടുത്തിയത്. നിറഞ്ഞു കവിഞ്ഞ സ്റ്റേഡിയത്തിന് മുന്നിലായിരുന്നു മത്സരം നടന്നിരുന്നത്.സൂപ്പർ താരം ലയണൽ മെസ്സിക്ക് ബൊക്ക ആരാധകർ വലിയ വരവേൽപ്പാണ് നൽകിയത്. കഴിഞ്ഞ ദിവസം മെസ്സി മാക്സി റോഡ്രിഗസിന്റെ മത്സരത്തിൽ പങ്കെടുക്കുകയും ചെയ്തിരുന്നു.