കലാശ പോരാട്ടത്തിന് ആരൊക്കെ ഇറങ്ങും? അർജന്റീനയുടെ സാധ്യത ഇലവൻ ഇതാ!

കോപ്പ അമേരിക്കയിൽ നടക്കുന്ന ഫൈനൽ മത്സരത്തിൽ കരുത്തരുടെ പോരാട്ടമാണ് ആരാധകരെ കാത്തിരിക്കുന്നത്. നിലവിലെ ജേതാക്കളായ അർജന്റീനയുടെ എതിരാളികൾ കൊളംബിയയാണ്. തിങ്കളാഴ്ച പുലർച്ചെ ഇന്ത്യൻ സമയം 5:30നാണ് ഈയൊരു മത്സരം നടക്കുക. അമേരിക്കയിലെ മയാമിയിൽ വെച്ചുകൊണ്ടാണ് ഈ ഫൈനൽ മത്സരം അരങ്ങേറുന്നത്.

കഴിഞ്ഞ സെമി പോരാട്ടത്തിൽ കാനഡയെ തോൽപ്പിച്ചു കൊണ്ടാണ് അർജന്റീന വരുന്നത്. ആ ഇലവനിൽ നിന്നും കാര്യമായ മാറ്റങ്ങൾ ഒന്നും വരുത്താൻ അർജന്റീനയുടെ പരിശീലകനായ ലയണൽ സ്‌കലോണി ആലോചിക്കുന്നില്ല എന്നാണ് റിപ്പോർട്ടുകൾ. അർജന്റീനയുടെ പോസിബിൾ ലൈനപ്പ് ഒരു അർജന്റൈൻ മാധ്യമം പ്രസിദ്ധീകരിച്ചിട്ടുണ്ട്. അതൊന്ന് നോക്കാം.

ഗോൾകീപ്പർ പൊസിഷനിൽ എമിലിയാനോ മാർട്ടിനസ് തന്നെയായിരിക്കും ഉണ്ടാവുക. പ്രതിരോധനിരയിൽ വിങ് ബാക്കുമാരായി കൊണ്ട് മോന്റിയേൽ,ടാഗ്ലിയാഫിക്കോ എന്നിവരായിരിക്കും ഇറങ്ങുക. ഇനി സെന്റർ ബാക്ക് പൊസിഷനിൽ റൊമേറോ,ലിസാൻഡ്രോ മാർട്ടിനസ് എന്നിവരായിരിക്കും ഉണ്ടാവുക. മധ്യനിരയിൽ ഡി പോൾ,മാക്ക് ആല്ലിസ്റ്റാർ എന്നിവർ ഉണ്ടാകും.

കൂടാതെ അവർക്കൊപ്പം എൻസോയായിരിക്കും സ്റ്റാർട്ട് ചെയ്യുക. അതേസമയം ലയണൽ മെസ്സി ക്യാപ്റ്റനായി കൊണ്ട് തുടരും.ഡി മരിയ,ഹൂലിയൻ ആൽവരസ് എന്നിവർ തന്നെയാണ് മുന്നേറ്റ നിരയിൽ ഉണ്ടാവുക.ഇതാണ് അർജന്റീനയുടെ ഒരു സാധ്യത ഇലവൻ.കിരീടം നിലനിർത്താൻ അർജന്റീനക്ക് സാധിക്കും എന്ന് തന്നെയാണ് ആരാധകർ പ്രതീക്ഷിക്കുന്നത്.