എന്റെ ബെസ്റ്റ് വേർഷൻ പുറത്തെടുക്കാൻ സഹായിച്ചത് മെസ്സി : എമി മാർട്ടിനസ്

ലാറ്റിനമേരിക്കൻ വമ്പൻമാരായ അർജന്റീന സംബന്ധിച്ചിടത്തോളം എപ്പോഴും തലവേദന സൃഷ്ടിച്ചിരുന്ന ഒരു പൊസിഷനായിരുന്നു ഗോൾ കീപ്പിംഗ് ഡിപ്പാർട്ട്മെന്റ്. എന്നാൽ അതിനൊരു പരിഹാരമായ എമി മാർട്ടിനെസ്സ് വന്നതോടുകൂടിയാണ്. അർജന്റീനയുടെ ജേഴ്സിയിൽ തകർപ്പൻ പ്രകടനം പുറത്തെടുക്കുന്ന മാർട്ടിനെസ്സ് വളരെ കുറഞ്ഞ ഗോളുകൾ മാത്രമാണ് വഴങ്ങിയിട്ടുള്ളത്.

ഏതായാലും തന്റെ സഹതാരമായ ലയണൽ മെസ്സിയെക്കുറിച്ച് ഇപ്പോൾ എമി മാർട്ടിനസ് ചില കാര്യങ്ങൾ പങ്കുവെച്ചിട്ടുണ്ട്. തന്റെ ഏറ്റവും ബെസ്റ്റ് വേർഷൻ പുറത്തെടുക്കാൻ സഹായിച്ചത് മെസ്സിയാണെന്നും എന്നാൽ അതങ്ങനെയാണ് എന്നുള്ളത് തനിക്ക് പറയാൻ കഴിയുന്നില്ല എന്നുമാണ് എമി മാർട്ടിനസ് പറഞ്ഞിട്ടുള്ളത്. മാത്രമല്ല മെസ്സിക്ക് കിരീടങ്ങൾ നേടി കൊടുക്കുന്നതിൽ സഹായിക്കാൻ കഴിഞ്ഞത് വലിയ കാര്യമാണെന്നും ഇദ്ദേഹം കൂട്ടിച്ചേർത്തിട്ടുണ്ട്.എമി മാർട്ടിനസിന്റെ വാക്കുകൾ ഇങ്ങനെയാണ്.

” കഴിഞ്ഞ രണ്ടോ മൂന്നോ വർഷമായി എനിക്ക് ലയണൽ മെസ്സിയെ അറിയാം. അദ്ദേഹം വളരെ വിനയമുള്ള ഒരു താരമാണ്. അദ്ദേഹം എല്ലാവരെയും അത്ഭുതപ്പെടുത്തും. ഇവിടേക്ക് വന്നാൽ ചിരിക്കുകയും എല്ലാം ആസ്വദിക്കുകയും ചെയ്യുന്ന മെസ്സിയെയാണ് നമുക്ക് കാണാൻ കഴിയുക.ഒരുപാട് പ്രശ്നങ്ങളോട് കൂടിയായിരിക്കും ഞാൻ ചിലപ്പോൾ ഇവിടെ എത്താറുള്ളത്. പക്ഷേ ഇവിടെ മെസ്സിയുടെ അടുത്തെത്തി കഴിഞ്ഞാൽ ഞാൻ റിലാക്സഡാവും. മത്സരത്തിലാണെങ്കിൽ അദ്ദേഹത്തിന് ഒരു വിട്ടുവീഴ്ചയുമില്ല. ഞങ്ങളെ കൂടി പോരാടാൻ അദ്ദേഹം സഹായിക്കും. ആർക്കും നേടാൻ കഴിയാത്ത കാര്യങ്ങളാണ് അദ്ദേഹം ഡിമാൻഡ് ചെയ്യുന്നത്,പക്ഷേ നിങ്ങളിൽ നിന്നും മാക്സിമം മെസ്സി ഡിമാൻഡ് ചെയ്യും. എന്നെ ഒരു മികച്ച ഗോൾ കീപ്പറാക്കി മാറ്റാൻ മെസ്സി സഹായിച്ചിട്ടുണ്ട്.അതെങ്ങനെയാണ് എന്നനിക്ക് പറയാൻ സാധിക്കുന്നില്ല. പക്ഷേ എന്റെ ഏറ്റവും ബെസ്റ്റ് വേർഷൻ പുറത്തെടുക്കാൻ സഹായിച്ചത് മെസ്സിയാണ്. അതുകൊണ്ടുതന്നെ കിരീടങ്ങൾ നേടാൻ മെസ്സിയെ സഹായിക്കാൻ കഴിഞ്ഞത് വലിയ കാര്യമാണ് ” ഇതാണ് എമി മാർട്ടിനസ് പറഞ്ഞിട്ടുള്ളത്.

അർജന്റീനക്ക് വേണ്ടി 17 മത്സരങ്ങളാണ് എമി മാർട്ടിനസ് കളിച്ചിട്ടുള്ളത്. 5 ഗോളുകൾ മാത്രമാണ് താരം വഴങ്ങിയിട്ടുള്ളത്. 12 ക്ലീൻ ഷീറ്റുകൾ കരസ്ഥമാക്കാനും ഈ സൂപ്പർ താരത്തിന് സാധിച്ചിട്ടുണ്ട്.