ഇത് ഞാൻ മെസ്സിക്ക് സമർപ്പിക്കുന്നു: കാരണ സഹിതം വിശദീകരിച്ച് ലൗറ്ററോ

ഇന്ന് കോപ്പ അമേരിക്കയിൽ നടന്ന കലാശ പോരാട്ടത്തിൽ വിജയിച്ചു കൊണ്ട് കിരീടമുയർത്താൻ വമ്പൻമാരായ അർജന്റീനക്ക് സാധിച്ചിരുന്നു.എതിരില്ലാത്ത ഒരു ഗോളിനാണ് അവർ കൊളംബിയയെ പരാജയപ്പെടുത്തിയത്. മത്സരത്തിന്റെ എക്സ്ട്രാ ടൈമിൽ ലൗറ്ററോ നേടിയ ഗോളാണ് അർജന്റീനക്ക് വിജയം സമ്മാനിച്ചത്. ഇതോടെ കോപ്പ അമേരിക്ക കിരീടം നിലനിർത്താൻ അർജന്റീനക്ക് സാധിച്ചിട്ടുണ്ട്.

5 ഗോളുകൾ നേടിക്കൊണ്ട് ലൗറ്ററോ ടൂർണമെന്റിലെ ഗോൾഡൻ ബൂട്ട് സ്വന്തമാക്കുകയും ചെയ്തു.ഈ ഗോളും വിജയവും ലയണൽ മെസ്സി ക്കും തന്റെ കുടുംബത്തിനുമാണ് ലൗറ്ററോ സമർപ്പിച്ചിട്ടുള്ളത്. മെസ്സിയാണ് തനിക്ക് സെൽഫ് കോൺഫിഡൻസ് നൽകിയതെന്നും ലൗറ്ററോ പറഞ്ഞിട്ടുണ്ട്.അദ്ദേഹത്തിന്റെ വാക്കുകൾ ഇങ്ങനെയാണ്.

“ഞാൻ വളരെയധികം സന്തോഷവാനാണ്.ഞങ്ങൾ ആഗ്രഹിച്ചത് ഞങ്ങൾ ഇപ്പോൾ നേടിക്കഴിഞ്ഞു. ഈ വിജയം ഞാൻ എന്റെ കുടുംബത്തിനും മെസ്സിക്കും സമർപ്പിക്കുന്നു.കാരണം എനിക്ക് കോൺഫിഡൻസ് നൽകിയത് ലയണൽ മെസ്സിയാണ്.മെസ്സി ഒരു മഹത്തായ ലീഡറാണ്.എനിക്ക് വേണ്ടി ഒരുപാട് കാര്യങ്ങൾ അദ്ദേഹം ചെയ്തിട്ടുണ്ട്.എന്റെ ഹൃദയത്തിൽ നിന്നും ഞാൻ അദ്ദേഹത്തോട് നന്ദി പറയുന്നു.ചുരുങ്ങിയത് ഈ കിരീടമെങ്കിലും അദ്ദേഹത്തിന് നൽകാൻ എനിക്ക് കഴിഞ്ഞല്ലോ ” ഇതാണ് ലൗറ്ററോ പറഞ്ഞിട്ടുള്ളത്.

ടൂർണമെന്റിൽ ഉടനീളം മിന്നുന്ന പ്രകടനമാണ് ലൗറ്ററോ നടത്തിയിട്ടുള്ളത്. കോപ്പ അമേരിക്കക്ക് മുന്നേ നടന്ന സൗഹൃദ മത്സരത്തിൽ ലൗറ്ററോയെ രണ്ട് ഗോളുകൾ നേടാൻ ലയണൽ മെസ്സി സഹായിച്ചിരുന്നു.അത് തീർത്തും ഗുണകരമായി എന്ന് വേണം പറയാൻ.അതിന്റെ ബാക്കി ത്രമെന്നോണമാണ് കോപ്പ അമേരിക്കയിൽ മികച്ച പ്രകടനം ഈ സ്ട്രൈക്കർ നടത്തിയിട്ടുള്ളത്.