ഇത്തരം നിമിഷങ്ങളിൽ എമി എപ്പോഴും ഞങ്ങൾക്ക് വേണ്ടി ഉണ്ടാകും: മെസ്സി
ഇന്ന് കോപ്പ അമേരിക്കയിൽ നടന്ന ക്വാർട്ടർ ഫൈനൽ പോരാട്ടത്തിൽ വിജയം നേടാൻ വമ്പൻമാരായ അർജന്റീനക്ക് സാധിച്ചിരുന്നു. പെനാൽറ്റി ഷൂട്ടൗട്ടിലാണ് അർജന്റീന ഇക്വഡോറിനെ പരാജയപ്പെടുത്തിയത്.അർജന്റൈൻ ഗോൾകീപ്പർ എലിയാനോ മാർട്ടിനസിന്റെ മികവാണ് അവർക്ക് തുണയായത്.ഷൂട്ടൗട്ടിൽ രണ്ട് പെനാൽറ്റികൾ അദ്ദേഹം സേവ് ചെയ്യുകയായിരുന്നു.ഇതോടെ അർജന്റീന സെമിഫൈനൽ പ്രവേശനം സാധ്യമാക്കുകയും ചെയ്തു.
അർജന്റീനയുടെ ആദ്യത്തെ പെനാൽറ്റി അവരുടെ നായകനായ ലയണൽ മെസ്സി പാഴാക്കിയിരുന്നു. എന്നാൽ ഇക്വഡോറിന്റെ ആദ്യ രണ്ട് പെനാൽറ്റികളും സേവ് ചെയ്തുകൊണ്ട് എമി അവരുടെ രക്ഷകനായി മാറുകയായിരുന്നു. മത്സരശേഷം എമിയെ പുകഴ്ത്തിക്കൊണ്ട് നായകനായ ലയണൽ മെസ്സി രംഗത്ത് വന്നിട്ടുണ്ട്. ഇത്തരം ഘട്ടങ്ങളിൽ എപ്പോഴും എമി തങ്ങൾക്ക് വേണ്ടി ഉണ്ടാകുമെന്നാണ് മെസ്സി പറഞ്ഞിട്ടുള്ളത്.താരത്തിന്റെ വാക്കുകൾ ഇങ്ങനെയാണ്.
” ഇത്തരം ഘട്ടങ്ങളിൽ എമിലിയാനോ മാർട്ടിനസ് എപ്പോഴും ഞങ്ങൾക്ക് വേണ്ടി ഉണ്ടാകും.ഇത്തരം സന്ദർഭങ്ങളിൽ അദ്ദേഹം വലുതായി മാറും.ഈ പെനാൽറ്റി ഷൂട്ടൗട്ടിൽ ഞങ്ങൾക്ക് ഒരുപാട് വിശ്വാസം ഉണ്ടായിരുന്നു. പെനാൽറ്റിയിൽ എത്തിയാൽ ശാന്തരായിരിക്കണമെന്ന് മത്സരത്തിനു മുന്നേ തന്നെ അദ്ദേഹം ഞങ്ങളോട് പറഞ്ഞിരുന്നു. അദ്ദേഹത്തിന് എപ്പോഴും സ്വയം വിശ്വാസമുണ്ട് ” ഇതാണ് മെസ്സി എമിയെ കുറിച്ച് പറഞ്ഞിട്ടുള്ളത്.
മത്സരത്തിനിടെ ഒരു പെനാൽറ്റി ഇക്വഡോറിന് ലഭിച്ചിരുന്നു. അവർക്ക് വേണ്ടി പെനാൽറ്റി എടുത്ത ഇന്നർ വലൻസിയ അത് പാഴാക്കുകയും ചെയ്തിരുന്നു.എമിയുടെ സാന്നിധ്യം തന്നെയാണ് അവിടെയും അർജന്റീനക്ക് ഗുണകരമായത്. ഇനി കാനഡയും വെനിസ്വേലയും തമ്മിലുള്ള മത്സരത്തിലെ വിജയികളെയാണ് അർജന്റീന സെമിയിൽ നേരിടുക.
