അർജന്റീനയുടെ മികവിന്റെ രഹസ്യമെന്ത്? എയ്ഞ്ചൽ കൊറേയ പറയുന്നു!

ഇപ്പോൾ ഫുട്ബോൾ ലോകത്ത് ഏറ്റവും കൂടുതൽ സ്ഥിരതയോടു കൂടി കളിക്കുന്ന ടീം,അത് അർജന്റീനയാണ് എന്നുള്ള കാര്യത്തിൽ ആർക്കും സംശയം കാണില്ല.അത്രയേറെ മികച്ച രൂപത്തിലാണ് ഇപ്പോൾ അർജന്റീന കളിക്കുന്നത്.കഴിഞ്ഞ 35 മത്സരങ്ങളിൽ ഒന്നിൽ പോലും അർജന്റീന തോൽവി എന്തെന്നറിഞ്ഞിട്ടില്ല. മാത്രമല്ല വളരെ കുറഞ്ഞ ഗോളുകൾ മാത്രമാണ് ഈ മത്സരങ്ങളിൽ നിന്നൊക്കെ അർജന്റീന വഴങ്ങിയിട്ടുള്ളത്.

ഏതായാലും അർജന്റീനയുടെ ഈ മികവിന്റെ രഹസ്യം എന്താണ് എന്നുള്ളത് അർജന്റൈൻ താരമായ എയ്ഞ്ചൽ കൊറേയ വ്യക്തമാക്കിയിട്ടുണ്ട്. അതായത് തങ്ങൾ എല്ലാവരും സഹോദരന്മാരെ പോലെയാണ് എന്നാണ് ഇദ്ദേഹം പറഞ്ഞിട്ടുള്ളത്. ഐക്യമാണ് തങ്ങളുടെ വിജയ രഹസ്യമെന്നും കൊറേയ കൂട്ടിച്ചേർത്തു.അദ്ദേഹത്തിന്റെ വാക്കുകൾ ഇങ്ങനെയാണ്.

” ഞങ്ങളുടെ രഹസ്യം എന്തെന്നാൽ ഞങ്ങൾ എല്ലാവരും സഹോദരന്മാരെ പോലെയാണ്. ഞങ്ങളുടെ ഐക്യമാണ് ഞങ്ങളുടെ ഈ മികവിന്റെ കാരണം. മറ്റൊരേക്കാൾ കുറഞ്ഞവരാണ് ഞങ്ങൾ എന്ന തോന്നൽ ഞങ്ങളിൽ ആർക്കും തന്നെ ഇല്ല. അർജന്റീന ദേശീയ ടീമിന്റെ ജേഴ്സി അണിയലാണ് ഏറ്റവും മനോഹരമായ കാര്യം ” എയ്ഞ്ചൽ കൊറേയ പറഞ്ഞു.

നിലവിൽ അത്ലറ്റിക്കോ മാഡ്രിഡിന്റെ താരമാണ് കൊറേയ. കഴിഞ്ഞ മത്സരത്തിൽ ഇരട്ട ഗോളുകൾ നേടി കൊണ്ട് ടീമിനെ വിജയത്തിലേക്ക് നയിക്കാൻ കൊറേയക്ക് സാധിച്ചിരുന്നു.