അവർ വേൾഡ് കപ്പാണോ നേടിയത്? ബ്രസീലിനെ പരിഹസിച്ച അർജന്റൈൻ താരങ്ങൾക്ക് മറുപടിയുമായി നെയ്മർ!

കഴിഞ്ഞ ദിവസമായിരുന്നു അർജന്റീന ഇറ്റലിയെ കീഴടക്കി ഫൈനലിസിമ കിരീടം ചൂടിയത്. എതിരില്ലാത്ത മൂന്ന് ഗോളുകൾക്കായിരുന്നു അർജന്റീന ഇറ്റലിയെ പരാജയപ്പെടുത്തിയത്.

ഏതായാലും ഈ കിരീട നേട്ടത്തിന് ശേഷം വലിയ ആഘോഷങ്ങളായിരുന്നു അർജന്റൈൻ താരങ്ങൾ സംഘടിപ്പിച്ചിരുന്നത്.ഡ്രസിങ് റൂമിലും ആഘോഷങ്ങൾ തുടർന്നു. എന്നാൽ ബ്രസീലിനെ പരിഹസിക്കുന്ന രൂപത്തിലുള്ള ഒരു ചാന്റായിരുന്നു അർജന്റൈൻ താരങ്ങൾ മുഴക്കിയിരുന്നത്.ആ ചാന്റ് ഇങ്ങനെയാണ്.

എന്താണ് സംഭവിച്ചത് ബ്രസൂക്ക?
നിങ്ങൾ ഇപ്പോഴും കാത്തിരിപ്പിലാണോ?
എന്ത് പറ്റി ബ്രസൂക്ക?
തെരുവുകളിൽ അവരെല്ലാം കരയുകയാണ്.
വർഷങ്ങളാണ് കടന്നു പോയിക്കൊണ്ടിരിക്കുന്നത്.
പക്ഷേ നിങ്ങൾ ഇപ്പോഴും 50-കളിലെ കപ്പുകളാണ് ഓർത്തിരിക്കുന്നത്..
അവരെല്ലാം മണ്ടന്മാരാണ്.ഇത് ഇനിയും ആവർത്തിക്കപ്പെടുമെന്ന് അവർ ഭയപ്പെടുന്നു.
കാരണം മെസ്സിക്ക് കിരീടമുണ്ട്.
മാത്രമല്ല മാന്ത്രികത നിറഞ്ഞ ഇടതു കാലുമുണ്ട്..
മറഡോണയെ ഓർത്തു നോക്കൂ.
തീർച്ചയായും ഇതൊക്കെ നിങ്ങളെ വേദനിപ്പിക്കുന്നുണ്ട്..
കാരണം ഈ കിരീടം ഞങ്ങളോടൊപ്പമാണ്…

ഇതായിരുന്നു അർജന്റൈൻ താരങ്ങൾ ഡ്രസ്സിങ് റൂമിൽ ചാന്റ് മുഴക്കിയിരുന്നത്.ഫൂട്ടോസാഡിയ എന്ന ഇൻസ്റ്റഗ്രാം പേജ് ഇത് പോസ്റ്റ് ചെയ്തിരുന്നു.

എന്നാൽ ബ്രസീലിയൻ സൂപ്പർതാരമായ നെയ്മർ ജൂനിയർ ഇതിന് ഒരു മറുപടി നൽകിയിട്ടുണ്ട്. ഇൻസ്റ്റഗ്രാമിൽ ഈ പോസ്റ്റിനു താഴെ നെയ്മർ കമന്റായി കുറിച്ചത് ഇങ്ങനെയാണോ?

“അർജന്റീന ഇനി വേൾഡ് കപ്പ് കിരീടമാണോ നേടിയത്?”

ഇതായിരുന്നു നെയ്മറുടെ ഇതിനോടുള്ള പ്രതികരണം. ബ്രസീലിയൻ മാധ്യമമായ ഗ്ലോബോയാണ് ഇക്കാര്യം റിപ്പോർട്ട് ചെയ്തിട്ടുള്ളത്.