മെസ്സിയെ അർജന്റീനക്ക് ലഭിക്കും: മാർട്ടിനോ!

ഏകദേശം രണ്ടുമാസത്തോളമാണ് ലയണൽ മെസ്സി പരിക്ക് കാരണം കളിക്കളത്തിന് പുറത്തിരുന്നത്. കോപ അമേരിക്ക ഫൈനലിലാണ് മെസ്സിക്ക് ആങ്കിളിന് പരിക്കേറ്റത്.തുടർന്ന് ഒരുപാട് മത്സരങ്ങൾ നഷ്ടമായി. കഴിഞ്ഞ ഇന്റർനാഷണൽ ബ്രേക്കിലെ മത്സരങ്ങൾ മെസ്സിക്ക് നഷ്ടമായിരുന്നു.മെസ്സിയുടെ അഭാവത്തിലായിരുന്നു അർജന്റീന കളിച്ചിരുന്നത്.

എന്നാൽ പരിക്കിൽ നിന്നും മുക്തനായി കൊണ്ട് മെസ്സി തിരിച്ചെത്തിയിട്ടുണ്ട്. സെപ്റ്റംബർ പതിനാലാം തീയതി നടന്ന മത്സരത്തിലായിരുന്നു മെസ്സി തിരികെ എത്തിയിരുന്നത്.ഇനി അടുത്ത മാസം തുടക്കത്തിൽ 2 വേൾഡ് കപ്പ് യോഗ്യത മത്സരങ്ങൾ അർജന്റീന കളിക്കുന്നുണ്ട്.ഈ മത്സരങ്ങളിൽ അർജന്റീനക്ക് വേണ്ടി മെസ്സി ലഭ്യമായിരിക്കും എന്നുള്ള കാര്യം ഇന്റർമയാമിയുടെ പരിശീലകനായ ടാറ്റ മാർട്ടിനോ പറഞ്ഞിട്ടുണ്ട്.അദ്ദേഹത്തിന്റെ വാക്കുകൾ ഇങ്ങനെയാണ്.

” ഞങ്ങൾക്കൊപ്പം മാത്രമല്ല,അർജന്റീനക്കൊപ്പവും മെസ്സിക്ക് മത്സരങ്ങൾ കളിക്കേണ്ടതുണ്ട്.അദ്ദേഹം മത്സരങ്ങൾക്ക് ലഭ്യമായിരിക്കും. മെസ്സി കൂടുതൽ കൂടുതൽ മെച്ചപ്പെട്ടു വരുന്നുണ്ട്.മെസ്സിക്ക് ട്രെയിനിങ്ങിനിടയിൽ വ്യത്യസ്തമായ ഫിസിക്കൽ വർക്ക് ഒന്നും ആവശ്യമില്ല. പക്ഷേ കോമ്പറ്റീഷന്റെ ആ ഒരു റിഥം അദ്ദേഹം വീണ്ടെടുക്കേണ്ടതുണ്ട്. പ്ലേ ഓഫ് മത്സരങ്ങളിൽ അദ്ദേഹം മികച്ച രൂപത്തിൽ ഉണ്ടാകും എന്ന് തന്നെയാണ് ഞാൻ കരുതുന്നത്.അർജന്റീനക്കൊപ്പവും അദ്ദേഹത്തിന് മത്സരങ്ങൾ കളിക്കാനുണ്ടല്ലോ. അതുകൊണ്ടുതന്നെ ഏറ്റവും ഏറ്റവും മികച്ച മെസ്സിയെ ഓഫിൽ കാണാൻ കഴിയുമെന്ന് തന്നെയാണ് ഞാൻ പ്രതീക്ഷിക്കുന്നത് ” ഇതാണ് ഇന്റർമയാമി പരിശീലകൻ പറഞ്ഞിട്ടുള്ളത്.

രണ്ട് വേൾഡ് കപ്പ് യോഗ്യത മത്സരങ്ങളാണ് അടുത്തമാസം അർജന്റീന കളിക്കുന്നത്. ഒക്ടോബർ പതിനൊന്നാം തീയതി നടക്കുന്ന മത്സരത്തിൽ വെനിസ്വേലയാണ് അർജന്റീനയുടെ എതിരാളികൾ. ഒക്ടോബർ പതിനാറാം തീയതി നടക്കുന്ന മത്സരത്തിൽ അർജന്റീനയും ബൊളീവിയയും തമ്മിലാണ് ഏറ്റുമുട്ടുക.നിലവിൽ പോയിന്റ് പട്ടികയിൽ ഒന്നാം സ്ഥാനത്തുള്ള അർജന്റീന ഏറെക്കുറെ വേൾഡ് കപ്പ് യോഗ്യത ഉറപ്പിച്ചിട്ടുണ്ട്.

Leave a Reply

Your email address will not be published. Required fields are marked *