മെസ്സിക്കെതിരെ CR7 ചാന്റും കൂവ്വലും,വെറുതെ വിടാതെ മോന്ററി ഫാൻസ്‌!

ഇന്ന് കോൺകകാഫ് ചാമ്പ്യൻസ് കപ്പിൽ നടന്ന രണ്ടാം പാദ ക്വാർട്ടർ ഫൈനൽ പോരാട്ടത്തിൽ ഇന്റർമയാമിക്ക് തോൽവി ഏറ്റുവാങ്ങേണ്ടി വന്നിരുന്നു.ഒന്നിനെതിരെ 3 ഗോളുകൾക്കായിരുന്നു ഇന്റർമയാമി പരാജയം ഏറ്റുവാങ്ങിയത്. മെക്സിക്കൻ ക്ലബ്ബായ മോന്റെറിയുടെ മൈതാനത്ത് വെച്ചു കൊണ്ടായിരുന്നു ഈ മത്സരം നടന്നിരുന്നത്.ഇന്റർമയാമി പ്രതിരോധനിരയുടെ ദയനീയ പ്രകടനമാണ് ഈ തോൽവിക്ക് കാരണമായിട്ടുള്ളത്.

ഇതോടെ രണ്ട് പാദങ്ങളിലുമായി രണ്ടിനെതിരെ അഞ്ചു ഗോളുകൾക്ക് ഇന്റർമയാമി പരാജയപ്പെട്ടു. ചാമ്പ്യൻസ് കപ്പിൽ നിന്ന് പുറത്താവുകയും ചെയ്തു.ആദ്യ പാദ മത്സരത്തിൽ ലയണൽ മെസ്സി കളിച്ചിരുന്നില്ല.ഇന്റർമയാമിയുടെ മൈതാനത്ത് വെച്ച് നടന്ന ആ മത്സരത്തിൽ തന്നെ മോന്റെറി ആരാധകർ മെസ്സിയെ പരിഹസിച്ചിരുന്നു.മെസ്സിക്ക് കളിക്കാൻ പേടിയാണ് എന്നായിരുന്നു അവർ ചാന്റ് ചെയ്തിരുന്നത്. മാത്രമല്ല ഇന്നത്തെ മത്സരത്തിനിടയിലും മെസ്സിക്ക് പരിഹാസങ്ങൾ ഏൽക്കേണ്ടി വന്നിട്ടുണ്ട്.

മോന്റെറി ആരാധകർ മെസ്സിയെ കൂവി വിളിക്കുകയായിരുന്നു. മാത്രമല്ല ക്രിസ്റ്റ്യാനോ റൊണാൾഡോയുടെ പേര് ചാന്റ് ചെയ്തുകൊണ്ട് അവർ ലയണൽ മെസ്സിയെ പ്രകോപിപ്പിക്കുകയും ചെയ്തിട്ടുണ്ട്. ഏതായാലും മത്സരത്തിൽ മെസ്സിക്ക് കാര്യമായി ഒന്നും ചെയ്യാനുണ്ടായിരുന്നില്ല