നെയ്മർക്ക് പകരം ക്രിസ്റ്റ്യാനോ? ഞെട്ടിക്കാനൊരുങ്ങി അൽ ഹിലാൽ!

ബ്രസീലിയൻ സൂപ്പർ താരമായ നെയ്മർ ജൂനിയർ 90 മില്യൺ യൂറോ നൽകി കൊണ്ടായിരുന്നു സൗദി അറേബ്യൻ വമ്പൻമാരായ അൽ ഹിലാൽ സ്വന്തമാക്കിയത്. എന്നാൽ നെയ്മർക്കേറ്റ പരിക്ക് എല്ലാം തകിടം മറിക്കുകയായിരുന്നു.ഇതുവരെ കേവലം 7 മത്സരങ്ങൾ മാത്രമാണ് നെയ്മർ അൽ ഹിലാലിന് വേണ്ടി കളിച്ചിട്ടുള്ളത്.ഈയിടെ അദ്ദേഹം കളിക്കളത്തിലേക്ക് തിരിച്ചുവന്നെങ്കിലും വീണ്ടും പരിക്കേൽകയായിരുന്നു.

അടുത്ത ജനുവരി വരെ നെയ്മർ പുറത്തിരിക്കേണ്ടി വരും എന്നാണ് റിപ്പോർട്ടുകൾ.അതുകൊണ്ടുതന്നെ താരത്തിന്റെ കാര്യത്തിൽ അൽ ഹിലാലിന് ഇപ്പോൾ ക്ഷമ നശിച്ചു തുടങ്ങിയിട്ടുണ്ട്. വരുന്ന ജനുവരിയിൽ അദ്ദേഹത്തിന്റെ കോൺട്രാക്ട് റദ്ദാക്കിക്കൊണ്ട് അദ്ദേഹത്തെ ക്ലബ്ബ് ഒഴിവാക്കിയേക്കും എന്നുള്ള റൂമറുകൾ ഇപ്പോൾ സജീവമാണ്. ഇതുമായി ബന്ധപ്പെട്ടുകൊണ്ട് മറ്റൊരു റൂമർ കൂടി ഇപ്പോൾ പുറത്തേക്ക് വന്നിട്ടുണ്ട്.ദി വീക്ക്,ഡയാരിയോ As എന്നിവരൊക്കെ ഇക്കാര്യം റിപ്പോർട്ട് ചെയ്തിട്ടുണ്ട്.

അതായത് നെയ്മറുടെ പകരക്കാരനായി കൊണ്ട് അൽ ഹിലാൽ ലക്ഷ്യം വെക്കുന്ന താരങ്ങളിൽ ഒരാൾ ക്രിസ്റ്റ്യാനോ റൊണാൾഡോയുമുണ്ട്. പല താരങ്ങളെയും ഉൾപ്പെടുത്തിക്കൊണ്ടുള്ള ഒരു ലിസ്റ്റ് അവർ തയ്യാറാക്കിയിട്ടുണ്ട്. അതിൽ ഒരാൾ റൊണാൾഡോയാണ് എന്നാണ് ലഭിക്കുന്ന വിവരം. വരുന്ന സമ്മറിൽ റൊണാൾഡോയുടെ അൽ നസ്റുമായുള്ള കോൺട്രാക്ട് അവസാനിക്കും. അതുകൊണ്ടുതന്നെ താരത്തിന് മികച്ച ഒരു ഓഫർ വാഗ്ദാനം ചെയ്യാനാണ് അൽ ഹിലാൽ ഇപ്പോൾ ആലോചിക്കുന്നത്.

അൽ ഹിലാലിന്റെ എതിരാളികളായ അൽ നസ്റിന്റെ താരമാണ് റൊണാൾഡോ. അദ്ദേഹം അൽ ഹിലാലിലേക്ക് വരാൻ തയ്യാറാകുമോ എന്നുള്ളതൊക്കെ കാത്തിരുന്ന് കാണേണ്ട കാര്യമാണ്.39 കാരനായ റൊണാൾഡോ ഇപ്പോഴും മികച്ച പ്രകടനമാണ് നടത്തിക്കൊണ്ടിരിക്കുന്നത്.അതുകൊണ്ടുതന്നെയാണ് അൽ ഹിലാൽ താരത്തിൽ ഇപ്പോൾ താൽപര്യം പ്രകടിപ്പിച്ചിരിക്കുന്നത്.