സ്ഥിരം കോച്ചാക്കണം ,കാരിക്കിന് കാസെമിറോയുടെ പൂർണ്ണ പിന്തുണ.

മൈക്കൽ കാരിക്കിനെ കുറിച്ചുള്ള കാസെമിറോയുടെ വാക്കുകൾ വലിയ വാർത്ത ആയിരിക്കുകയാണ്. “എൻറെ അഭിപ്രായത്തിൽ,മാഞ്ചസ്റ്റർ യുണൈറ്റഡിൽ ജോലി ചെയ്യാൻ കാരിക്ക് പൂർണമായും അർഹനാണ് ‘യുണൈറ്റഡിൻ്റെ കോച്ച് ആകാനുള്ള നല്ല ക്വാളിറ്റി അദ്ദേഹത്തിനുണ്ട്.എന്ന് ഇതിനകം തെളിയിച്ചതാണ്. അദ്ദേഹത്തിന് ക്ലബ്ബിൻറെ പൂർണ്ണ വിശ്വാസം കിട്ടണം ” എന്ന് കാസെമിറോ അഭിപ്രായപ്പെടുന്നു.
കാരിക്കിന് കീഴിൽ ടീം കൈവരിച്ച മികച്ച മുന്നേറ്റമാണ് ഇത്തരമൊരു നിലപാടിലേക്ക് താരത്തെ എത്തിച്ചത്.നിലവിൽ പ്രീമിയർ ലീഗിൽ മാഞ്ചസ്റ്റർ യുണൈറ്റഡ് മികച്ച ഫോമിലാണ്.സീസണിൻ്റെ പകുതിയിൽ വെച്ച് റൂബൻ അമേറിമിന് പകരക്കാരനായി എത്തിയ കാരിക്ക്,ടീമിനെ ആദ്യ നാലിൽ എത്തിക്കുകയും അടുത്ത സീസണിലെ ചാമ്പ്യൻസ് ലീഗ് യോഗ്യത ഉറപ്പാക്കുകയും ചെയ്തു.ആഴ്സണൽ (76 പോയിൻ്റ്),മാഞ്ചസ്റ്റർ സിറ്റി (71 പോയിൻ്റ്)എന്നിവർക്ക് പിന്നിലായി മൂന്നാം സ്ഥാനത്താണ് ഇപ്പോൾ യുണൈറ്റഡ്.കാരിക്കിന്റെ തന്ത്രപരമായ നീക്കങ്ങളും ടീമിലെ ഐക്യവുമാണ് ഈ മുന്നേറ്റത്തിന് പിന്നിലെ പ്രധാന ഘടകമായി വിലയിരുത്തപ്പെടുന്നത്.കൂടാതെ “അദ്ദേഹം ക്ലബ്ബിൻറെ പൂർണ്ണ വിശ്വാസം അർഹിക്കുന്നു”എന്ന കാസെമിറോയുടെ വാക്കുകൾ ടീമിനുള്ളിൽ കാരിക്കിന് ലഭിക്കുന്ന വലിയ സ്വീകാര്യതയാണ് സൂചിപ്പിക്കുന്നത്.