അവർ രക്ഷിക്കും: ടാറ്റ മാർട്ടിനോ ആത്മവിശ്വാസത്തിലാണ്!
ഇന്ന് അമേരിക്കൻ ലീഗിൽ നടന്ന പ്ലേ ഓഫ് മത്സരത്തിൽ ഇന്റർമയാമിക്ക് തോൽവി ഏറ്റുവാങ്ങേണ്ടി വന്നിരുന്നു. ഒന്നിനെതിരെ 2 ഗോളുകൾക്കാണ് അറ്റ്ലാൻഡ യുണൈറ്റഡ്നോട് അവരുടെ മൈതാനത്ത് വച്ചുകൊണ്ട് ഇന്റർമയാമി പരാജയപ്പെട്ടിരിക്കുന്നത്.മത്സരത്തിന്റെ അവസാനം വഴങ്ങിയ ഗോളാണ് അവർക്ക് തിരിച്ചടിയായത്. ആദ്യ പാദ മത്സരത്തിൽ ഇന്റർമയാമി ഇതേ സ്കോറിന് വിജയിച്ചിരുന്നു.
അതുകൊണ്ടുതന്നെ ഇനി മൂന്നാമത് ഒരു മത്സരം കൂടി ഇന്റർമയാമി കളിക്കുന്നുണ്ട്.ആ മത്സരത്തിലെ വിജയികൾക്ക് അടുത്ത റൗണ്ടിലേക്ക് മുന്നേറാം. ആ മത്സരത്തിൽ ഇന്റർമയാമിയുടെ പ്രതീക്ഷകൾ മെസ്സി ഉൾപ്പെടെയുള്ള സൂപ്പർ താരങ്ങളാണ്.അവരുടെ പരിശീലകനായ ടാറ്റ മാർട്ടിനോയും ഇക്കാര്യം പറഞ്ഞിട്ടുണ്ട്.ഇത്തരത്തിലുള്ള മത്സരങ്ങൾ അതിജീവിച്ച് പരിചയമുള്ളവരാണ് മെസ്സിയും സുഹൃത്തുക്കളും എന്നാണ് അദ്ദേഹം പറഞ്ഞിട്ടുള്ളത്.പരിശീലകന്റെ വാക്കുകൾ ഇങ്ങനെയാണ്.
” ടീമിനകത്ത് വളരെയധികം പരിചയസമ്പത്തുള്ള താരങ്ങൾ ഞങ്ങൾക്കുണ്ട്.അത് ഞങ്ങൾക്ക് ഒരു അനുകൂല ഘടകമാണ്. ഇതിനേക്കാൾ ബുദ്ധിമുട്ടേറിയ സാഹചര്യങ്ങൾ തരണം ചെയ്തുള്ള പരിചയസമ്പത്ത് അവർക്കുണ്ട് “ഇതാണ് പരിശീലകൻ പറഞ്ഞിട്ടുള്ളത്.
ഇന്നത്തെ മത്സരത്തിൽ സൂപ്പർ താരം സെർജിയോ ബുസ്ക്കെറ്റ്സ് കളിച്ചിരുന്നില്ല. അദ്ദേഹത്തിന്റെ അഭാവം തങ്ങൾക്ക് തിരിച്ചടിയായി എന്നുള്ള കാര്യം ഈ പരിശീലകൻ തുറന്ന് പറഞ്ഞിട്ടുണ്ട്.
