മെസ്സിയുമായുള്ള കമ്പാരിസൺ, അപമാനിക്കുന്നത് തുല്യമാണെന്ന് ബുവനനോറ്റെ!

നിരവധി യുവ പ്രതിഭകളാണ് ഇപ്പോൾ അർജന്റീനയിൽ നിന്നും ഉദയം കൊള്ളുന്നത്. അതിലൊരു താരമാണ് കേവലം 19 വയസ്സ് മാത്രമുള്ള ഫകുണ്ടോ ബുവനനോറ്റെ. നിലവിൽ അദ്ദേഹം ലോൺ അടിസ്ഥാനത്തിൽ ലെസ്റ്റർ സിറ്റിക്ക് വേണ്ടിയാണ് കളിച്ചുകൊണ്ടിരിക്കുന്നത്. തകർപ്പൻ പ്രകടനം പ്രീമിയർ ലീഗിൽ പുറത്തെടുക്കാൻ അദ്ദേഹത്തിന് കഴിയുന്നുണ്ട്.8 പ്രീമിയർ ലീഗ് മത്സരങ്ങൾ കളിച്ച താരം മൂന്ന് ഗോളുകളും രണ്ട് അസിസ്റ്റുകളും സ്വന്തമാക്കിയിട്ടുണ്ട്. വലിയ പ്രശംസയാണ് താരത്തിന് ലഭിച്ചുകൊണ്ടിരിക്കുന്നത്.

അർജന്റീനയിൽ നിന്നും ഒരു യുവ പ്രതിഭ ഉദയം ചെയ്താൽ മെസ്സിയുമായി താരതമ്യം ചെയ്യുക എന്നത് വളരെ സാധാരണമായ ഒരു കാര്യമായി മാറിയിട്ടുണ്ട്. പലരും ബുവനനോറ്റെയെ മെസ്സിയുമായി കമ്പയർ ചെയ്തിട്ടുണ്ട്. എന്നാൽ അദ്ദേഹം അത് പൂർണ്ണമായും തിരസ്കരിച്ചിട്ടുണ്ട്.ഇത്തരത്തിലുള്ള താരതമ്യങ്ങൾ അസാധ്യമാണ് എന്നാണ് അദ്ദേഹം പറഞ്ഞിട്ടുള്ളത്. അത് മെസ്സിയെ അപമാനിക്കുന്നതിന് തുല്യമാണെന്നും അദ്ദേഹം പറഞ്ഞിട്ടുണ്ട്.ബുവനനോറ്റെയുടെ വാക്കുകൾ ഇങ്ങനെയാണ്.

” മെസ്സിയുമായുള്ള താരതമ്യം ഒരിക്കലും ശരിയല്ല. അത് അസാധ്യമാണ്. മെസ്സി എന്റെ ഐഡോളാണ്.എന്റെ ശരിക്കുമുള്ള ഹീറോ അദ്ദേഹമാണ്. എനിക്ക് കേവലം 19 വയസ്സ് മാത്രമാണ് ആയിട്ടുള്ളത്. മെസ്സി കരിയറിൽ എത്രയോ പ്രധാനപ്പെട്ട മത്സരങ്ങൾ കളിച്ചു കഴിഞ്ഞു.മെസ്സിയുമായി താരതമ്യം ചെയ്യുന്നത് അദ്ദേഹത്തെ അപമാനിക്കുന്നതിന് തുല്യമാണ്.പ്രായം 37 ആയെങ്കിലും ഇപ്പോഴും ഫുട്ബോൾ ലോകത്തെ ഏറ്റവും മികച്ച താരം മെസ്സി തന്നെയാണ്.ഇനിയും ഒരുപാട് കാലം തനിക്ക് കളിക്കാൻ കഴിയും എന്ന രൂപത്തിലാണ് മെസ്സി ഇപ്പോഴും കളിച്ചുകൊണ്ടിരിക്കുന്നത് ” ഇതാണ് അർജന്റൈൻ താരമായ ഫകുണ്ടോ ബുവനനോറ്റെ പറഞ്ഞിട്ടുള്ളത്.

അർജന്റീനയുടെ സീനിയർ ടീമിന് വേണ്ടി രണ്ട് മത്സരങ്ങൾ കളിക്കാൻ ഈ യുവ താരത്തിന് കഴിഞ്ഞിട്ടുണ്ട്. വരുന്ന ഇന്റർനാഷണൽ ബ്രേക്കിലേക്കുള്ള സ്‌ക്വാഡിൽ സ്‌കലോണി അദ്ദേഹത്തെ ഉൾപ്പെടുത്തും എന്ന് തന്നെയാണ് പ്രതീക്ഷിക്കപ്പെടുന്നത്. നിലവിൽ ബ്രൈറ്റന്റെ താരമാണ് ബുവനനോറ്റെ. അവിടെനിന്നാണ് അദ്ദേഹം ലോൺ അടിസ്ഥാനത്തിൽ ലെസ്റ്റർ സിറ്റിയിൽ എത്തിയിട്ടുള്ളത്.