ഞാൻ ലോക ചാമ്പ്യനാവാൻ ദൈവം പോലും ആഗ്രഹിച്ചു:മെസ്സി

അർജന്റീന ഖത്തർ വേൾഡ് കപ്പ് കിരീടം നേടിയിട്ട് ഇപ്പോൾ ഏകദേശം ഒരു വർഷം പൂർത്തിയാവുകയാണ്.സൂപ്പർ താരം ലയണൽ മെസ്സി വേൾഡ് കപ്പിൽ മികച്ച പ്രകടനം നടത്തിയിരുന്നു. അതിന്റെ ഫലമായി കൊണ്ട് തന്നെയാണ് അർജന്റീനക്ക് വേൾഡ് കപ്പ് നേടാൻ കഴിഞ്ഞിട്ടുള്ളത്. മെസ്സി വേൾഡ് കപ്പ് സ്വന്തമാക്കിയതോടുകൂടി പലരും അദ്ദേഹത്തെ സമ്പൂർണ്ണനായി കൊണ്ട് പ്രഖ്യാപിച്ചിരുന്നു.

തന്റെ വേൾഡ് കപ്പ് കിരീട ധാരണത്തെക്കുറിച്ച് മെസ്സി ഒരിക്കൽ കൂടി സംസാരിച്ചിട്ടുണ്ട്.താൻ ലോക ചാമ്പ്യനാവാൻ ദൈവം ആഗ്രഹിച്ചിരുന്നു എന്നാണ് മെസ്സി പറഞ്ഞിട്ടുള്ളത്. ദൈവത്തിന്റെ വിധി പ്രകാരമാണ് താൻ ലോക ചാമ്പ്യനായതെന്നും ഇത് തനിക്ക് നേരത്തെ അറിയാമായിരുന്നുവെന്നും മെസ്സി കൂട്ടിച്ചേർത്തു.അദ്ദേഹത്തിന്റെ വാക്കുകൾ ഇങ്ങനെയാണ്.

” ഞാൻ ഇത് വർഷങ്ങൾക്ക് മുന്നേ തന്നെ പറഞ്ഞിട്ടുണ്ട്.ഞാനൊരിക്കൽ വേൾഡ് കപ്പ് കിരീടം നേടുമെന്ന് എനിക്ക് ഉറപ്പുണ്ടായിരുന്നു. ബ്രസീലിൽ വെച്ച് വേൾഡ് കപ്പ് ഫൈനൽ പരാജയപ്പെടുന്നതിനു മുന്നേ തന്നെ ഞാൻ ഇക്കാര്യം പറഞ്ഞിട്ടുണ്ട്.പക്ഷേ അത് സംഭവിച്ചത് ഇപ്പോഴാണ്.ഞാൻ വേൾഡ് കപ്പ് നേടാൻ ദൈവം പോലും ആഗ്രഹിക്കുന്നുണ്ട് എന്നത് എനിക്ക് തന്നെ അറിയാമായിരുന്നു.അങ്ങനെ അദ്ദേഹം ഇപ്പോൾ എനിക്ക് അത് നൽകുകയായിരുന്നു. എനിക്ക് വേൾഡ് കപ്പ് ലഭിക്കും എന്ന കാര്യത്തിൽ ഞാൻ എപ്പോഴും വിശ്വസിച്ചിരുന്നു.ഈ വഴിയിൽ ഉടനീളം ഒരുപാട് തടസ്സങ്ങൾ ഉണ്ടായിരുന്നു.എനിക്ക് വളരെ മോശം സമയം ഉണ്ടായിരുന്നു. പക്ഷേ ഒടുവിൽ എനിക്ക് വേൾഡ് കപ്പ് ലഭിച്ചു “ഇതാണ് ലയണൽ മെസ്സി പറഞ്ഞിട്ടുള്ളത്.

അടുത്ത വർഷം കോപ്പ അമേരിക്ക ടൂർണ്ണമെന്റ് നടക്കുന്നുണ്ട്. ലയണൽ മെസ്സിയുടെ നേതൃത്വത്തിൽ തന്നെയായിരിക്കും അർജന്റീന ടൂർണമെന്റിൽ ഇറങ്ങുക.2026 അമേരിക്കയിൽ വച്ചുകൊണ്ടാണ് വേൾഡ് കപ്പ് നടക്കുക. ആ വേൾഡ് കപ്പിലും മെസ്സി പങ്കെടുക്കും എന്ന ഒരു പ്രതീക്ഷയിലാണ് ആരാധകർ.