മാർവ്വലും മിയാമിയും കൈകോർത്തു,മെസ്സിക്ക് വേണ്ടി പ്രത്യേക ജേഴ്സി തയ്യാറാവുന്നു.

ലയണൽ മെസ്സിയുടെ പിഎസ്ജിയുമായുള്ള കോൺട്രാക്ട് ഔദ്യോഗികമായി കൊണ്ട് അവസാനിക്കുക ജൂൺ മുപ്പതാം തീയതിയാണ്. ഇനിമുതൽ അമേരിക്കൻ ക്ലബ്ബായ ഇന്റർ മിയാമിക്ക് വേണ്ടിയാണ് ലയണൽ മെസ്സി കളിക്കുക.2025 വരെയുള്ള ഒരു കരാറിലാണ് ലയണൽ മെസ്സി ഇന്റർ മിയാമിയുമായി ഒപ്പുവെക്കുക.

മെസ്സിയുടെ അരങ്ങേറ്റത്തിന് വേണ്ടിയുള്ള കാത്തിരിപ്പിലാണ് അദ്ദേഹത്തിന്റെ ആരാധകർ ഉള്ളത്.ജൂലൈ 21ആം തീയതി ലീഗ് കപ്പിൽ നടക്കുന്ന മത്സരത്തിൽ ഇന്റർ മിയാമിയും ക്രൂസ് അസൂളും തമ്മിൽ ഏറ്റുമുട്ടുന്നുണ്ട്. ഇന്റർ മിയാമിയുടെ മൈതാനത്ത് വച്ച് തന്നെയാണ് ഈ മത്സരം നടക്കുന്നത്.ഈ മത്സരത്തിൽ മെസ്സി അരങ്ങേറ്റം നടത്തുമെന്നാണ് പ്രതീക്ഷിക്കപ്പെടുന്നത്.

ഏതായാലും ലയണൽ മെസ്സിയുടെ അരങ്ങേറ്റത്തിന് വേണ്ടി ഒരു പ്രത്യേക ജേഴ്സി തന്നെ ഇപ്പോൾ തയ്യാറാക്കപ്പെടുന്നുണ്ട്. നിലവിൽ ഇന്റർ മിയാമിയുടെ സ്പോൺസർമാർ അഡിഡാസാണ്. ഇവർക്ക് പുറമേ മാർവ്വൽ കൂടി ഇപ്പോൾ ഇന്റർ മിയാമിയുമായി ചേർന്നിട്ടുണ്ട്. സൂപ്പർ ഹീറോ കോമിക് ബുക്ക് പബ്ലിഷേഴ്സ്,സിനിമ-സീരിസ് നിർമ്മാതാക്കൾ എന്ന നിലയിൽ പ്രശസ്തരായവരാണ് മാർവ്വൽ. അവരുടെ പാർട്ണർഷിപ്പ് ഇന്റർ മിയാമിക്ക് കൂടുതൽ കരുത്ത് പകരുന്നതായിരിക്കും.

മാർവൽ,അഡിഡാസ് എന്നിവരുടെ നേതൃത്വത്തിലാണ് ഈ സ്പെഷ്യൽ ജഴ്സി അരങ്ങേറുന്നത്. മെസ്സിയുടെ മത്സരത്തിനു വേണ്ടി മാത്രമാണ് ഈ ജേഴ്‌സി ഇപ്പോൾ തയ്യാറാക്കപ്പെടുന്നത്. ആരാധകർക്ക് കൂടി ഈ ജേഴ്‌സി ലഭ്യമാകും എന്നാണ് പ്രതീക്ഷിക്കപ്പെടുന്നത്. വളരെയധികം ബുദ്ധിമുട്ടേറിയ ഒരു സാഹചര്യത്തിലൂടെയാണ് ഇന്റർ മിയാമി കടന്നുപോയിക്കൊണ്ടിരിക്കുന്നത്. മെസ്സി വരുന്നതോടുകൂടി അവരുടെ പ്രകടനത്തിൽ മാറ്റം ഉണ്ടാവും എന്നാണ് എല്ലാവരും പ്രതീക്ഷിക്കുന്നത്.