കാസെമിറോയുടെ ഗോളിൽ റയലിന് ജയം, ലാ ലിഗയിൽ ഒന്നാമത്
ലിഗയിൽ റയൽ മാഡ്രിഡ് ജയത്തോടെ ഒന്നാം സ്ഥാനം തിരിച്ചുപിടിച്ചു. ഇന്ന് പുലർച്ചെ നടന്ന മുപ്പത്തിരണ്ടാം റൗണ്ട് മത്സരത്തിൽ അവർ എസ്പാന്യോളിനെ എതിരില്ലാത്ത ഒരു ഗോളിന് പരാജയപ്പെടുത്തി. ബ്രസീലിയൻ താരം കാസെമിറോയാണ് റയലിൻ്റെ വിജയഗോൾ നേടിയത്. 32 മത്സരങ്ങളിൽ 71 പോയിൻ്റുമായി റയൽ മാഡ്രിഡാണിപ്പോൾ ഒന്നാം സ്ഥാനത്തുള്ളത്. രണ്ടാം സ്ഥാനത്തുള്ള FC ബാഴ്സലോണക്ക് ഇത്രയും മത്സരങ്ങളിൽ നിന്നും 69 പോയിൻ്റേയുള്ളൂ.
രണ്ടാം പകുതിയിലും റയൽ മാഡ്രിഡ് ആധിപത്യം തുടർന്നെങ്കിലും ഗോളുകൾ പിറക്കാതിരുന്നത് എസ്പാന്യോളിൻ്റെ പ്രതീക്ഷകൾ നിലനിർത്തി. മത്സരം ഒരു മണിക്കൂർ പിന്നിട്ടപ്പോൾ സിദാൻ ഹസാഡിനെയും ഇസ്ക്കോക്കോയെയും പിൻവലിച്ച് ബ്രസീലിയൻ യുവതാരങ്ങളായ വിനീഷ്യസ് ജൂനിയറെയും റോഡ്രിഗോയെയും കളത്തിലേക്ക് വിട്ടു. എങ്കിലും മത്സരത്തിൽ പിന്നീട് ഗോളുകൾ പിറക്കാതിരുന്നതോടെ റയൽ മാഡ്രിഡ് വിജയമുറപ്പിച്ചു. ലാ ലിഗയിൽ ആറ് മത്സരങ്ങൾ ശേഷിക്കെ പോയിൻ്റ് ടേബിളിൽ ഒന്നാമതാണിപ്പോൾ റയൽ മാഡ്രിഡ്.
