മെസ്സിയെ വിമർശിക്കുന്നവർക്ക് ഫുട്ബോളിനെ കുറിച്ച് ഒന്നുമറിയില്ല : ബെൻസിമ
ദീർഘകാലം ലാലിഗയിൽ ചിരവൈരികളായി തുടർന്ന താരങ്ങളാണ് ലയണൽ മെസ്സിയും കരിം ബെൻസിമ.ലാലിഗയിലെ വൈരികളായ ബാഴ്സക്കും റയലിനും വേണ്ടിയായിരുന്നു ഇരുവരും കളിച്ചിരുന്നത്.മെസ്സി ബാഴ്സ വിട്ടെങ്കിലും ഒരിക്കൽ റയലിനെതിരെ കളിക്കാനുള്ള ഒരുക്കത്തിലാണ്. ചാമ്പ്യൻസ് ലീഗ് പ്രീക്വാർട്ടറിലാണ് മെസ്സിയും ബെൻസിമയും മുഖാമുഖം വരിക.
എന്നാൽ ലയണൽ മെസ്സിയെ പ്രശംസിച്ചിരിക്കുകയാണിപ്പോൾ കരിം ബെൻസിമ. അതായത് മെസ്സിയെ വിമർശിക്കുന്നവർക്ക് ഫുട്ബോളിനെ കുറിച്ച് ഒന്നുമറിയില്ലെന്നും മെസ്സി പിഎസ്ജിയിലും വിജയങ്ങൾ കൈവരിക്കുമെന്നുമാണ് ബെൻസിമ പറഞ്ഞിട്ടുള്ളത്. കഴിഞ്ഞദിവസം ടെലിഫൂട്ടിനോട് സംസാരിക്കുകയായിരുന്നു അദ്ദേഹം.ബെൻസിമയുടെ വാക്കുകൾ ഇങ്ങനെയാണ്.
— Murshid Ramankulam (@Mohamme71783726) January 24, 2022
” മെസ്സി എങ്ങനെയാണ് പിഎസ്ജിയിൽ വിജയിക്കാതിരിക്കുക? ഇത് അഡാപ്റ്റേഷന്റെ സമയം മാത്രമാണ്.അത്കൊണ്ടാണ് അദ്ദേഹത്തിന് കൂടുതൽ ഗോളുകൾ നേടാൻ കഴിയാത്തത്.പക്ഷെ അദ്ദേഹം കളത്തിൽ ചെയ്ത കാര്യങ്ങൾ വെച്ച് നോക്കുമ്പോൾ നിങ്ങൾക്ക്‌ മെസ്സിയെ വിമർശിക്കാൻ സാധിക്കില്ല.അങ്ങനെ മെസ്സിയെ വിമർശിക്കുന്നവർ ഉണ്ടെങ്കിൽ അവർ ഫുട്ബോളിനെ കുറിച്ച് ഒന്നുമറിയാത്തവരാണ് ” ബെൻസിമ പറഞ്ഞു.
കോവിഡിൽ നിന്നും മുക്തനായ മെസ്സി കഴിഞ്ഞ റെയിംസിനെതിരെയുള്ള മത്സരത്തിൽ കളത്തിലേക്ക് തിരിച്ചെത്തിയിരുന്നു.മത്സരത്തിന്റെ 63-ആം മിനുട്ടിലാണ് താരം പകരക്കാരനായി കളത്തിൽ എത്തിയത്.
