മെസ്സിയുമായുള്ള കെമിസ്ട്രി,വിശദീകരിച്ച് ഡി മരിയ!

ഈ സീസണിൽ മെസ്സി പിഎസ്ജിയിലേക്ക് എത്തുന്നതിന് മുന്നേ തന്നെ കളത്തിൽ ഒരുപാട് സമയം ഒരുമിച്ച് ചിലവഴിച്ചിട്ടുള്ളവരാണ് ലയണൽ മെസ്സിയും എയ്ഞ്ചൽ ഡി മരിയയും.അർജന്റീനക്ക് വേണ്ടി ഇരുവരും ഒരുപാട് മത്സരങ്ങൾ ഒരുമിച്ച് കളിച്ചിട്ടുണ്ട്.മാത്രമല്ല കോപ അമേരിക്ക കിരീടനേട്ടത്തിൽ ഇരുവരും നിർണായക പങ്ക് വഹിച്ചിരുന്നു.അതിന് ശേഷമാണ് മെസ്സി പിഎസ്ജിയിൽ എത്തിയത്.

ഏതായാലും കളത്തിൽ മെസ്സിയുമായുള്ള ഒത്തിണക്കത്തെ കുറിച്ചിപ്പോൾ ഡി മരിയ സംസാരിച്ചിട്ടുണ്ട്.മെസ്സിയെ തനിക്ക് നന്നായി അറിയാമെന്നും മെസ്സിയുമായുള്ള കണക്ഷൻ വളരെ നല്ല ഒരു കാര്യമാണ് എന്നുമാണ് ഡി മരിയ അറിയിച്ചിട്ടുള്ളത്.കഴിഞ്ഞ ദിവസം പിഎസ്ജി ടിവിയോട് സംസാരിക്കുകയായിരുന്നു അദ്ദേഹം.ഡി മരിയയുടെ വാക്കുകൾ ഇങ്ങനെയാണ്.

” മെസ്സിയുമായി ഒരു കണക്ഷൻ ഉണ്ടാവുക എന്നുള്ളത് വളരെ നല്ല ഒരു കാര്യമാണ്.എനിക്ക് അദ്ദേഹത്തെ അറിയാം.മെസ്സി സാധാരണ രൂപത്തിൽ ഏത് പൊസിഷനിലാണ് ഉണ്ടാവുക,അദ്ദേഹം ബോളിന് വേണ്ടി എവിടെയാണ് അന്വേഷിക്കുക,സാധാരണ രൂപത്തിൽ എവിടെ നിന്നാണ് ഗോളുകൾ നേടാൻ ശ്രമിക്കുക എന്നുള്ളതൊക്കെ എനിക്കറിയാം.തീർച്ചയായും നിങ്ങൾ ഒരു ക്ലബ്ബിൽ കളിക്കുമ്പോൾ ഇത്തരത്തിലുള്ള ബന്ധങ്ങൾ കാണാൻ സാധിക്കും.മാർക്കോ വെറാട്ടിയും കിലിയൻ എംബപ്പേയും അത്തരത്തിലുള്ള താരങ്ങളാണ്.ഇതൊക്കെ ചെറിയ കാര്യങ്ങളാണ് എന്നാണ് ഞാൻ കരുതുന്നത്.ഇതെല്ലാം കൂടിച്ചേരുമ്പോൾ തീർച്ചയായും അദ്ദേഹം ഇമ്പ്രൂവ് ആവും ” ഇതാണ് ഡി മരിയ പറഞ്ഞിട്ടുള്ളത്.

പരിക്കും കോവിഡുമൊക്കെയായി പിഎസ്ജിക്ക് വേണ്ടി കൂടുതൽ മത്സരങ്ങളിൽ കളിക്കാൻ മെസ്സിക്ക് സാധിച്ചിരുന്നില്ല.നിലവിൽ കോവിഡിൽ നിന്നും മുക്തനായി മെസ്സി പരിശീലനത്തിന് തിരിച്ചെത്തിയിട്ടുണ്ട്.