യമാൽ മാത്രമല്ല അവിടെയുള്ളത് : മുന്നറിയിപ്പ് നൽകി എതിർ പരിശീലകൻ!

ഇന്ന് യുവേഫ ചാമ്പ്യൻസ് ലീഗിൽ നടക്കുന്ന മത്സരത്തിൽ ബാഴ്സലോണ കളിക്കളത്തിലേക്ക് ഇറങ്ങുന്നുണ്ട്. എതിരാളികൾ ഫ്രഞ്ച് ക്ലബ്ബായ മൊണാക്കോയാണ്. ഇന്ന് രാത്രി ഇന്ത്യൻ സമയം 12:30ന് മൊണാക്കോയുടെ മൈതാനത്ത് വച്ചുകൊണ്ടാണ് മത്സരം നടക്കുക.ഈ സീസണിൽ ജോയൻ ഗാമ്പർ ട്രോഫിയിൽ എതിരില്ലാത്ത മൂന്ന് ഗോളുകൾക്ക് ബാഴ്സലോണ മൊണാക്കോയോട് പരാജയപ്പെട്ടിരുന്നു. അതിന് പ്രതികാരം തീർക്കുക എന്ന ലക്ഷ്യത്തോടുകൂടിയായിരിക്കും ബാഴ്സ ഇന്ന് കളിക്കളത്തിലേക്ക് ഇറങ്ങുന്നത്.

തകർപ്പൻ പ്രകടനമാണ് അവരുടെ യുവ പ്രതിഭയായ യമാൽ ഇപ്പോൾ പുറത്തെടുക്കുന്നത്.3 ഗോളുകളും 4 അസിസ്റ്റുകളും ഈ ലാലിഗയിൽ അദ്ദേഹം നേടിക്കഴിഞ്ഞിട്ടുണ്ട്.മൊണാക്കോക്ക് ഏറ്റവും കൂടുതൽ വെല്ലുവിളി സൃഷ്ടിക്കുക ഈ താരം തന്നെയായിരിക്കും. എന്നാൽ യമാൽ മാത്രമല്ല അവിടെയുള്ളത് എന്ന മുന്നറിയിപ്പ് തന്റെ താരങ്ങൾക്ക് നൽകിയിരിക്കുകയാണ് അവരുടെ പരിശീലകനായ അഡി ഹട്ടർ.ഇന്നലത്തെ പ്രസ് കോൺഫറൻസിൽ സംസാരിക്കുകയായിരുന്നു അദ്ദേഹം.അദ്ദേഹത്തിന്റെ വാക്കുകൾ ഇങ്ങനെയാണ്.

” ബാഴ്സലോണയെ പ്രതിരോധിക്കുക എന്നുള്ളത് വളരെ ബുദ്ധിമുട്ടുള്ള ഒരു കാര്യമാണ്.ഒരു ടീം എന്ന നിലയിൽ ഞങ്ങൾ അവരെ തടഞ്ഞു നിർത്തണം. നന്നായി ധൈര്യം കാണിക്കേണ്ടതുണ്ട്,എല്ലാം സമർപ്പിച്ച് കളിക്കേണ്ടതുമുണ്ട്.ലാമിൻ യമാലിനെ മാത്രമല്ല ഞങ്ങൾക്ക് തടയേണ്ടത്.ലെവ,റാഫീഞ്ഞ,ടോറസ് എന്നിവരൊക്കെ മികച്ച താരങ്ങളാണ്.യമാലിന്റെ ക്വാളിറ്റി എന്താണ് എന്നുള്ളത് ഞങ്ങൾക്ക് കൃത്യമായി അറിയാം.അദ്ദേഹത്തെ മാത്രമായി ശ്രദ്ധിക്കില്ല, മറിച്ച് എല്ലാ താരങ്ങൾക്കും ഒരുപോലെ പ്രാധാന്യം നൽകി അവരെയെല്ലാം തടയുക എന്നുള്ളതാണ് ഞങ്ങളുടെ പദ്ധതികൾ “ഇതാണ് മൊണാക്കോ പരിശീലകൻ പറഞ്ഞിട്ടുള്ളത്.

ജോയൻ ഗാമ്പർ ട്രോഫിയിൽ മൊണാക്കോയോട് പരാജയപ്പെട്ടതിനു ശേഷം 5 ലാലിഗ മത്സരങ്ങളാണ് ബാഴ്സലോണ കളിച്ചിട്ടുള്ളത്.അതിൽ അഞ്ചിലും വിജയിക്കാൻ അവർക്ക് കഴിഞ്ഞിരുന്നു. 17 ഗോളുകളാണ് ഈ മത്സരങ്ങളിൽ നിന്ന് അവർ നേടിയിട്ടുള്ളത്. ഇത്രയും മികച്ച ഫോമിൽ കളിക്കുന്ന ബാഴ്സയെ തടഞ്ഞു നിർത്തുക എന്നുള്ളത് വലിയ ഒരു വെല്ലുവിളി തന്നെയാണ്.