ഗോൾ ഓഫ് ദി വീക്ക്, നെയ്മറും മക്കെന്നിയും മുഖാമുഖം, വീഡിയോ കാണാം !

ഈ ആഴ്ച്ചയിലെ ചാമ്പ്യൻസ് ലീഗ് മത്സരങ്ങൾ ഇന്നലത്തോട് കൂടി പൂർത്തിയായി. ഗ്രൂപ്പ്‌ ഘട്ടത്തിലെ അവസാനറൗണ്ട് പോരാട്ടങ്ങളിൽ നിരവധി ഗോളുകൾ പിറന്ന മത്സരങ്ങളാണ് കഴിഞ്ഞു പോയത്. ഈ ഗോളുകളിൽ ഏറ്റവും മികച്ച നാലു ഗോളുകൾ യുവേഫ തിരഞ്ഞെടുത്തിട്ടുണ്ട്. നെയ്മർ ജൂനിയർ ഇസ്താംബൂളിനെതിരെ നേടിയ ഗോൾ, മക്കെന്നി എഫ്സി ബാഴ്സലോണക്കെതിരെ നേടിയ ഗോൾ, ആർബി ലീപ്സിഗിന്റെ ആഞ്ചലിനോ മാഞ്ചസ്റ്റർ യുണൈറ്റഡിനെതിരെ നേടിയ ഗോൾ, സെവിയ്യയുടെ കൗണ്ടെ റെന്നസിനെതിരെ നേടിയ ഗോൾ എന്നിവയാണ് ഏറ്റവും മികച്ച ഗോളുകളിൽ ഇടം പിടിച്ചവ.ഇതിൽ ഏറ്റവും മികച്ച ഗോളിനെ വോട്ടെടുപ്പിലൂടെയാണ് തീരുമാനിക്കുക.

ഇസ്താംബൂളിനെതിരെ ഇരുപത്തിയൊന്നാം മിനുട്ടിൽ നെയ്മർ നേടിയ ഗോളാണ് ലിസ്റ്റിൽ ഇടംനേടിയിട്ടുള്ളത്. ഒരു ഡിഫൻഡറെ കബളിപ്പിച്ച നെയ്മർ ബോക്സിന് തൊട്ട് വെളിയിൽ നിന്ന് ഒരു തകർപ്പൻ ഷോട്ടിലൂടെ വലകുലുക്കുകയായിരുന്നു. ബാഴ്സക്കെതിരെ ഇരുപതാം മിനിറ്റിൽ മക്കെന്നി നേടിയ ഗോളാണ് ഇടം നേടിയ മറ്റൊരു ഗോൾ. ക്വഡ്രാഡോയുടെ ക്രോസിൽ നിന്ന് ഒരു അക്രോബാറ്റിക്ക് ഗോൾ നേടുകയായിരുന്നു താരം. യുണൈറ്റഡിനെതിരെ രണ്ടാം മിനുട്ടിൽ തന്നെ ഒരു തകർപ്പൻ ഷോട്ടിലൂടെ വലകുലുക്കിയ ലീപ്സിഗ് താരം ആഞ്ചലിനോയുടെ ഗോളും ലിസ്റ്റിൽ ഇടം നേടിയിട്ടുണ്ട്. മറ്റൊരു ഗോൾ സെവിയ്യയുടെ കൗണ്ടെയുടേതാണ്. റെന്നസിനെതിരെ ഒരു ഉജ്ജ്വലവോളിയിലൂടെയാണ് താരം ഗോൾ കണ്ടെത്തിയത്.