എംബാപ്പെയും വെറാറ്റിയും ടീമിൽ, പിഎസ്ജി സ്‌ക്വാഡ് റെഡി !

പിഎസ്ജിയുടെ സൂപ്പർ താരങ്ങളായ കിലിയൻ എംബാപ്പെയെയും മാർകോ വെറാറ്റിയെയും ഉൾപ്പെടുത്തി കൊണ്ട് പിഎസ്ജിയുടെ സ്‌ക്വാഡ് പ്രഖ്യാപിച്ചു. ചാമ്പ്യൻസ് ലീഗിന്റെ ക്വാർട്ടർ ഫൈനലിൽ അറ്റലാന്റയെ നേരിടാനുള്ള സ്‌ക്വാഡ് ആണ് പ്രഖ്യാപിച്ചിരിക്കുന്നത്. പരിക്കേറ്റ ഇരുവരും ക്വാർട്ടർ ഫൈനൽ കളിക്കാനുള്ള സാധ്യതകൾ വളരെ കുറവാണെങ്കിലും ഇരുവർക്കും പരിശീലകൻ ടുഷേൽ സ്‌ക്വാഡിൽ ഇടം നൽകുകയായിരുന്നു. ഇരുപത്തിയെട്ട് അംഗസ്‌ക്വാഡ് ആണ് പുറത്ത് വിട്ടിരിക്കുന്നത്. സൂപ്പർ താരങ്ങളായ നെയ്മർ, ഇകാർഡി, നവാസ്, ഡി മരിയ, സിൽവ എന്നിവരൊക്കെ സ്‌ക്വാഡിൽ ഇടം കണ്ടെത്തിയിട്ടുണ്ട്.

ഓഗസ്റ്റ് പന്ത്രണ്ട് ബുധനാഴ്ച്ചയാണ് ക്വാർട്ടർ മത്സരം അരങ്ങേറുക. പോർചുഗലിലെ ലിസ്ബണിൽ വെച്ചാണ് മത്സരം നടക്കുക. ഒരു പാദം മാത്രമേ ഒള്ളൂ എന്നതിനാൽ ഫൈനലിന് തുല്യമാണ് മത്സരം.

പിഎസ്ജിയുടെ സ്‌ക്വാഡ് താഴെ നൽകുന്നു.

Bakker, Bernat, Bulka, Choupo-Moting, Dagba,
Di Maria, Diallo, Draxler, Gueye, Herrera, Icardi, Innocent, Kalimuendo, Kehrer, Kimpembe,
Kurzawa, Marquinhos, Navas, Paredes, Pembele, Mbappé,
Mbe Soh, Neymar, Rico, Ruiz, Sarabia, Thiago Silva, Verratti.