ഇന്നത്തെ മത്സരം എങ്ങനെയാവും? പ്രവചിച്ച് എൻറിക്കെ!

ഇന്ന് യുവേഫ ചാമ്പ്യൻസ് ലീഗിൽ നടക്കുന്ന രണ്ടാം സെമി ഫൈനൽ പോരാട്ടത്തിൽ പിഎസ്ജി കളിക്കളത്തിലേക്ക് ഇറങ്ങുന്നുണ്ട്. എതിരാളികൾ ജർമൻ കരുത്തരായ ബോറൂസിയ ഡോർട്മുണ്ടാണ്. ഇന്ന് രാത്രി ഇന്ത്യൻ സമയം 12:30ന് ബൊറൂസിയയുടെ മൈതാനമായ സിഗ്നൽ ഇഡുന പാർക്കിൽ വെച്ചുകൊണ്ടാണ് ഈ മത്സരം നടക്കുക.അത്ലറ്റിക്കോ മാഡ്രിഡിനെ പരാജയപ്പെടുത്തി കൊണ്ടാണ് ബൊറൂസിയ വരുന്നതെങ്കിൽ ബാഴ്സലോണയെ പുറത്താക്കി കൊണ്ടാണ് പിഎസ്ജി വരുന്നത്.

ഈ മത്സരത്തിന് മുന്നോടിയായുള്ള പത്രസമ്മേളനത്തിൽ പിഎസ്ജിയുടെ പരിശീലകനായ ലൂയിസ് എൻറിക്കെ ചില കാര്യങ്ങൾ പറഞ്ഞിട്ടുണ്ട്. ഒരു കിടിലൻ മത്സരമായിരിക്കും എന്നാണ് അദ്ദേഹം പ്രെഡിക്റ്റ് ചെയ്തിട്ടുള്ളത്. ഒരുപാട് ഗോളുകളും അവസരങ്ങളും ഈ മത്സരത്തിൽ ഉണ്ടാവാൻ സാധ്യതയുണ്ടെന്നും പരിശീലകൻ പറഞ്ഞിട്ടുണ്ട്.എൻറിക്കെയുടെ വാക്കുകൾ ഇങ്ങനെയാണ്.

“ക്വാർട്ടർ ഫൈനലിന് സമാനമായ ഒരു മത്സരം തന്നെയായിരിക്കും ഇത്. ഞങ്ങൾ രഹസ്യ സ്വഭാവമുള്ള ടീമല്ല.ബൊറൂസിയയും അത്തരത്തിലുള്ള ഒരു ടീമല്ല. ഞങ്ങളുടെതായ ഫുട്ബോൾ കളിച്ചുകൊണ്ട് ഈ മത്സരം വിജയിക്കാൻ ഞങ്ങൾ ശ്രമിക്കും. ഒരു മികച്ച മത്സരമായിരിക്കും ഇത്. ഗോളുകളും അവസരങ്ങളും ഈ മത്സരത്തിൽ ഒരുപാട് ഉണ്ടാകുമെന്നാണ് ഞാൻ പ്രതീക്ഷിക്കുന്നത്.കാരണം രണ്ട് ടീമുകൾക്കും അതിനുള്ള കഴിവുണ്ട്. ഞങ്ങൾക്ക് ഇപ്പോൾ കൂടുതൽ ഇമ്പ്രൂവ് ആയിട്ടുണ്ട്. ഞങ്ങളുടെ പ്രോജക്ട് ഇപ്പോഴാണ് സ്റ്റാർട്ട് ചെയ്തത്.ഇനിയും സീസൺ അവസാനിക്കാൻ ഒരു മാസം അവശേഷിക്കുന്നുണ്ട്. എല്ലാ തരം പ്രതിസന്ധികളെയും സമ്മർദ്ദങ്ങളെയും ഞങ്ങൾ അതിജീവിക്കേണ്ടതുണ്ട് ” ഇതാണ് ലൂയിസ് എൻറിക്കെ പറഞ്ഞിട്ടുള്ളത്.

ക്വാർട്ടർ ഫൈനലിലെ ആദ്യപാദ പോരാട്ടത്തിൽ പിഎസ്ജി ബാഴ്സയോട് സ്വന്തം മൈതാനത്ത് പരാജയപ്പെട്ടിരുന്നു.പക്ഷേ രണ്ടാം പാദത്തിൽ അതിശക്തമായി തിരിച്ചുവരികയായിരുന്നു അവർ.ഒന്നിനെതിരെ നാലു ഗോളുകളുടെ വിജയമായിരുന്നു അവർ നേടിയിരുന്നത്.ഈ സീസണിൽ നേടൽ സാധ്യമായ നാല് കിരീടങ്ങളുമാണ് പിഎസ്ജിയിപ്പോൾ ലക്ഷ്യം വെക്കുന്നത്.