മെസ്സിയോ റൊണാൾഡോയോ? ഇഷ്ട താരത്തെ തിരഞ്ഞെടുത്ത് മാർക്കോ റ്യൂസ്!

ലയണൽ മെസ്സിയാണോ ക്രിസ്ത്യാനോ റൊണാൾഡോയാണോ ഏറ്റവും മികച്ച താരം? ഒരിക്കലും അവസാനിക്കാത്ത ഒരു ഡിബേറ്റാണിത്. ഓരോ വ്യക്തിയെ സംബന്ധിച്ചിടത്തോളം അവർക്ക് ഇക്കാര്യത്തിൽ വ്യക്തിപരമായ ഒരു ഉത്തരമുണ്ടാവും.

ഏതായാലും ഫുട്ബോളുമായി ബന്ധപ്പെട്ട എല്ലാവർക്കും ഒരിക്കലെങ്കിലും ഈ താരങ്ങളിൽ ഒരാളെ തിരഞ്ഞെടുക്കേണ്ടി വന്നിട്ടുണ്ടാവും.ബോറൂസിയ ഡോർട്മുണ്ടിന്റെ സൂപ്പർ താരമായ മാർക്കോ റ്യൂസിനും ഈ ചോദ്യം അഭിമുഖീകരിക്കേണ്ടി വന്നിരുന്നു. അതായത് ESPN ന്റെ YOU HAVE TO ANSWER എന്ന പ്രോഗ്രാമിലാണ് റ്യൂസിനോട് മെസ്സി, റൊണാൾഡോ എന്നിവരിൽ ഇഷ്ടപ്പെട്ട ഒരു താരത്തെ തിരഞ്ഞെടുക്കാൻ പറഞ്ഞത്.മെസ്സി എന്നാണ് ഇതിന് മറുപടിയായി കൊണ്ട് റ്യൂസ് പറഞ്ഞിട്ടുള്ളത്.

ഇതുവരെ തന്റെ കരിയറിൽ മൂന്നു തവണയാണ് ലയണൽ മെസ്സിയെ മാർക്കോ റ്യൂസ് നേരിട്ടിട്ടുള്ളത്. എന്നാൽ ആ മൂന്ന് മത്സരങ്ങളിലും റ്യൂസിന്റെ ടീം പരാജയപ്പെടുകയായിരുന്നു. അതേസമയം ക്രിസ്റ്റ്യാനോയെ തന്റെ കരിയറിൽ ഏഴ് തവണ നേരിട്ടിട്ടുണ്ട്. അതിൽ മൂന്ന് തവണ വിജയിക്കാൻ റ്യൂസിന് സാധിച്ചിട്ടുണ്ട്.

അതേസമയം മറ്റൊരു ചോദ്യം കൂടി റ്യൂസിന് ഈ പ്രോഗ്രാമിൽ നേരിടേണ്ടി വന്നിരുന്നു.ഹാലണ്ടിനെയാണോ ലെവന്റോസ്ക്കിയെയാണോ കൂടുതൽ ഇഷ്ടപ്പെടുന്നത് എന്നായിരുന്നു ചോദ്യം. ആദ്യം ഒരല്പം ശങ്കിച്ചുവെങ്കിലും പിന്നീട് ഹാലണ്ടിനെ റ്യൂസ് തിരഞ്ഞെടുക്കുകയായിരുന്നു. ഇരുവരും താരത്തോടൊപ്പം സഹതാരങ്ങളായി കളിച്ചവരാണ്.

ഈ ബുണ്ടസ് ലിഗയിൽ 29 മത്സരങ്ങളാണ് റ്യൂസ് ബൊറൂസിയക്ക് വേണ്ടി കളിച്ചിട്ടുള്ളത്. ഇതിൽ നിന്ന് 9 ഗോളുകളും 12 അസിസ്റ്റുകളുമാണ് താരത്തിന്റെ സമ്പാദ്യം.