മെസ്സിയുടെ വാക്കുകളോട് ബെൻസിമ പ്രതികരിച്ചത് കേട്ടോ!

ഈ സീസണിൽ തകർപ്പൻ പ്രകടനമാണ് സൂപ്പർ താരമായ കരിം ബെൻസിമ പുറത്തെടുക്കുന്നത്.റയലിനും ഫ്രാൻസിനും വേണ്ടി ആകെ i52 മത്സരങ്ങൾ കളിച്ച താരം 50 ഗോളുകളും 16 അസിസ്റ്റുകളുമാണ് കരസ്ഥമാക്കിയിട്ടുള്ളത്.ലാലിഗയും യുവേഫ ചാമ്പ്യൻസ് ലീഗും ബെൻസിമ സ്വന്തമാക്കുകയും ചെയ്തിരുന്നു.

അതുകൊണ്ടുതന്നെ നിലവിലെ ബാലൺ ഡി’ഓർ ജേതാവായ ലയണൽ മെസ്സി ഇത്തവണത്തെ ബാലൺ ഡി’ഓർ നൽകേണ്ടത് ബെൻസിമക്കാണ് എന്ന് അഭിപ്രായപ്പെട്ടിരുന്നു. അക്കാര്യത്തിൽ യാതൊരുവിധ സംശയങ്ങളും ഇല്ലെന്നും ബെൻസിമ അർഹിക്കുന്നുണ്ട് എന്നുമായിരുന്നു ലയണൽ മെസ്സി പറഞ്ഞിരുന്നത്.മെസ്സിയുടെ ഒരു വാക്കുകളോട് ബെൻസിമ തന്റെ പ്രതികരണമറിയിച്ചിട്ടുണ്ട്.

അതായത് മെസ്സിയുടെ ഈ വാക്കുകൾ എനിക്ക് വളരെയധികം മോട്ടിവേഷൻ നൽകുന്നു എന്നാണ് ബെൻസിമ പറഞ്ഞത്.അദ്ദേഹത്തിന്റെ വാക്കുകൾ ഇങ്ങനെയാണ്.

” ഞാൻ മെസ്സിയുടെ വാക്കുകൾ ശ്രദ്ധിച്ചിരുന്നു. അത് എന്നെ വളരെയധികം സന്തോഷത്തിലാക്കി.മെസ്സിയെ പോലെയൊരു താരത്തിൽ നിന്നാണ് അത് വന്നത് എന്നുള്ളത് എനിക്ക് വളരെയധികം സന്തോഷം നൽകുന്നു. മാത്രമല്ല കൂടുതൽ കാര്യങ്ങൾ ചെയ്യാൻ അതെനിക്ക് പ്രചോദനമാവുകയും ചെയ്തിരുന്നു ” ഇതാണ് ബെൻസിമ പറഞ്ഞിട്ടുള്ളത്.

കഴിഞ്ഞ ദിവസം നടന്ന മത്സരത്തിൽ ഫ്രാൻസ് ഡെൻമാർക്കിനോട് പരാജയപ്പെട്ടിരുന്നു. പക്ഷേ ഒരു തകർപ്പൻ ഗോൾ ഈ മത്സരത്തിൽ സ്വന്തമാക്കാൻ ബെൻസിമക്ക് സാധിച്ചിരുന്നു.