ബെൽജിയം ലീഗ് റദ്ദാക്കി, ചാമ്പ്യൻമാരായി ക്ലബ്‌ ബ്രുഗ്ഗെ

കൊറോണ വൈറസ് പ്രതിസന്ധി മൂലം ലീഗ് റദ്ദാക്കാൻ ബെൽജിയം തീരുമാനിച്ചു. കഴിഞ്ഞ തിങ്കളാഴ്ച്ചയാണ് ഇങ്ങനെയൊരു നിർദ്ദേശം മുന്നോട്ട്വന്നത്. ജൂപിലെർ പ്രൊ ലീഗിന്റെ ഡയറക്ടേഴ്സ് ബോർഡ് ആണ് ഇത്തരത്തിലൊരു തീരുമാനം മുന്നോട്ട് വെച്ചത്. ഈ വരുന്ന ഏപ്രിൽ പതിനഞ്ചിന് നടക്കുന്ന മീറ്റിങ്ങിന് ശേഷം ഇത് ഔദ്യോഗികമായി സ്ഥിരീകരിച്ചേക്കും.

ഇതോടെ നിലവിലെ ഒന്നാം സ്ഥാനക്കാരായ ക്ലബ്‌ ബ്രൂഗ്ഗെയെ ചാമ്പ്യൻമാരായി പ്രഖ്യാപിച്ചേക്കും. ഒരു മത്സരം അവശേഷിക്കെ പതിനഞ്ച് പോയിന്റുമായി പോയിന്റ് ടേബിളിൽ ബഹുദൂരം മുന്നിലാണ് ഇവർ. രണ്ടാം സ്ഥാനക്കാരായത് Gent ആണ്. ഇരുടീമുകളും ചാമ്പ്യൻസ് ലീഗിന് യോഗ്യത നേടുകയും ചെയ്തു. തരംതാഴ്ത്തുന്ന ടീമുകളെ പിന്നീട് തീരുമാനിക്കുകയും ചെയ്യും.