ക്രിസ്റ്റ്യാനോയും നെയ്മറുമില്ലാതെ ഗുണ്ടോകന്റെ മികച്ച താരങ്ങൾ

ലോകത്തിലെ മികച്ച താരങ്ങൾ ആരൊക്കെയാണ്. ഒട്ടുമിക്ക ഫുട്ബോൾ താരങ്ങളും പലപ്പോഴായി നേരിടേണ്ടി വരുന്ന ചോദ്യങ്ങളാണ്. പലർക്കും പല ഉത്തരങ്ങളുമായിരിക്കും. എന്നാൽ ക്രിസ്റ്റ്യാനോക്കും നെയ്മറിനും ഇടമില്ലാതെയാണ് മാഞ്ചസ്റ്റർ സിറ്റി താരം ഗുണ്ടോകൻ തന്റെ മൂന്ന് മികച്ച താരങ്ങളെ തിരഞ്ഞെടുത്തത്. ഗുണ്ടോകന്റെ അഭിപ്രായത്തിൽ ലോകത്തിലെ ഏറ്റവും മികച്ച താരം ലയണൽ മെസ്സിയാണ്. രണ്ടാമതായി തന്റെ സഹതാരം കെവിൻ ഡിബ്രൂയിനാണ്. മൂന്നാമതായി കെയ്‌ലിൻ എംബപ്പേക്കാണ് സ്ഥാനം. കഴിഞ്ഞ ദിവസം ട്വിറ്ററിൽ നടന്ന ചോദ്യോത്തരവേളയിലാണ് താരം തന്റെ മികച്ച മൂന്ന് താരങ്ങളെ തിരഞ്ഞെടുത്തത്.

മാഞ്ചസ്റ്റർ സിറ്റി താരമായ ഗുണ്ടോകൻ നിലവിൽ വീട്ടിൽ സെൽഫ് ഐസോലേഷനിലാണ്. പ്രീമിയർ ലീഗിലെ ഒട്ടുമിക്ക താരങ്ങളും കൊറോണ ഭീതി മൂലം വീടുകളിൽ ഐസോലേറ്റിലാണ്. പ്രീമിയർ ലീഗിൽ ചെൽസി താരം ഹുഡ്‌സൺ ഒഡോയിക്കും ആഴ്‌സണൽ പരിശീലകൻ ആർട്ടേറ്റക്കും കൊറോണ സ്ഥിരീകരിച്ചിരുന്നു.ഈ കാര്യങ്ങളെ കുറിച്ചും ഗുണ്ടോകൻ സംസാരിച്ചു.

” ഞാൻ വീട്ടിലാണ്. എന്നെ സംബന്ധിച്ചെടുത്തോളം എനിക്കിത് ഒരു ഹോളിഡേ ആയി കാണാൻ കഴിയില്ല. നിങ്ങൾ എല്ലാരും സുഖമായിരിക്കുന്നു എന്നാണ് ഞാൻ പ്രതീക്ഷിക്കുന്നത്. എല്ലാവർക്കുമിത് പ്രയാസമേറിയ സമയമാണെന്നറിയാം. എല്ലാ ആരോഗ്യപ്രവർത്തകർക്കും, നഴ്സുമാർക്കും ഡോക്ടർമാർക്കും ഹോസ്പിറ്റൽ സ്റ്റാഫുകൾക്കും നന്ദി രേഖപ്പെടുത്തുന്നു. പോസിറ്റീവ് മനോഭാവം നമ്മളെ ശക്തരാക്കുമെന്നും തീർച്ചയായും നമ്മളിതിനെ തരണം ചെയ്യുക തന്നെ ചെയ്യും ” ഗുണ്ടോകൻ ട്വിറ്റെറിൽ കുറിച്ചു.