കൊറോണ: അർജൻ്റൈൻ ടീമിൽ നിന്നും ലൗറ്ററോയെ ഒഴിവാക്കിയേക്കും
ഇറ്റലിയിൽ കോവിഡ് 19 പടർന്ന് പിടിച്ച സാഹചര്യത്തിൽ ലൗറ്ററോ മാർട്ടീനസിനെ അർജൻ്റീനയുടെ ലോകകപ്പ് യോഗ്യതാ മത്സരങ്ങൾക്കുള്ള സ്ക്വോഡിൽ നിന്നും ഒഴിവാക്കിയേക്കും എന്ന് റിപ്പോർട്ട്. മുണ്ടോആൽബി സെലസ്റ്റെയാണ് ഈ വാർത്ത റിപ്പോർട്ട് ചെയ്തിരിക്കുന്നത്. ഇറ്റാലിയൻ ക്ലബ്ബ് ഇൻ്റർ മിലാൻ്റെ താരമാണ് ലൗറ്ററോ മാർട്ടിനസ്. ഇറ്റലിയിൽ രോഗം പരക്കുന്നതിനാൽ ക്വോറൻ്റൈനിൻ്റെ ഭാഗമായി താരം സൗത്തമേരിക്കയിലേക്കുള്ള യാത്ര വേണ്ടെന്ന് വെച്ച് ഇറ്റലിയിൽ തന്നെ തുടർന്നേക്കും.
Lautaro Martinez could miss Argentina's World Cup qualifiers this month due to Corona virus quarantine in Italy. https://t.co/PPwBEkPbAI
— Roy Nemer (@RoyNemer) March 8, 2020
ഈ മാസം നടക്കുന്ന ലോകകപ്പ് യോഗ്യതാ മത്സരങ്ങൾക്കുള്ള അർജൻ്റീന ടീമിനെ കോച്ച് ലയണൽ സ്കലോനി ചൊവ്വാഴ്ച പ്രഖ്യാപിക്കുമെന്നാണ് കരുതപ്പെടുന്നത്. ഈ മാസം രണ്ട് മത്സരങ്ങളാണ് അർജൻ്റീനക്കുള്ളത്. മാർച്ച് 26ന് ഇക്വഡോറുമായാണ് (ഇന്ത്യൻ സമയം മാർച്ച് 27 പുലർച്ചെ 5:40 AM) ആദ്യ മത്സരം. തുടർന്ന് മാർച്ച് 31ന് ബൊളീവിയയെയും (ഇന്ത്യൻ സമയം ഏപ്രിൽ 1 പുലർച്ചെ 1:30 AM) നേരിടും.
