“എനിക്ക് ഖേദമുണ്ട്!ലോകകപ്പ് ഫൈനലിലെ തോൽവിക്ക് ശേഷം മൗനം വെടിഞ്ഞ് സ്കലോണി

  
    വേൾഡ് കപ്പ് ഫൈനലിലെ തോൽവിക്ക് ശേഷം അർജന്റീനയുടെ പരിശീലകൻ ലിയോണൽ സ്കലോണി തൻ്റെ ഇൻസ്റ്റാഗ്രാം പേജിലൂടെ വൈകാരികമായ ഒരു കുറിപ്പ് പങ്കുവെച്ചു. ഫൈനൽ കഴിഞ്ഞ് ഒരു ആഴ്ചയ്ക്ക് ശേഷമാണ് ആരാധകരോടും രാജ്യം നൽകിയ പിന്തുണയോടും പ്രതികരിച്ച് അദ്ദേഹം രംഗത്തെത്തിയത്.
സോഷ്യൽ മീഡിയയിൽ കുറിപ്പ് പങ്കുവെക്കാൻ തനിക്ക് വലിയ താല്പര്യമില്ലെന്ന് വ്യക്തമാക്കിക്കൊണ്ടാണ് സ്കലോണി തൻ്റെ സന്ദേശം ആരംഭിക്കുന്നത്:
“സങ്കടവും സന്തോഷവും, കണ്ണീരും പുഞ്ചിരിയും, ആശങ്കയും ആശ്വാസവും മാറിമറിഞ്ഞ ഒരു തീവ്രമായ ആഴ്ചയ്ക്ക് ശേഷമാണ് ഞാൻ ഇത് എഴുതുന്നത്. സോഷ്യൽ മീഡിയ എനിക്ക് വലിയ താല്പര്യമുള്ള ഒന്നല്ലെങ്കിലും, ഈ സന്ദേശം നിങ്ങളിലേക്ക് എത്തിക്കാൻ ഏറ്റവും അനുയോജ്യമായ മാധ്യമം ഇതാണെന്ന് തോന്നി.
നിങ്ങൾക്ക് മറ്റൊരു കപ്പ് നേടിത്തരാൻ കഴിയാത്തതിലും, കുറച്ചു ദിവസത്തേക്കെങ്കിലും ജീവിതത്തിലെ വിഷമങ്ങൾ മറക്കാൻ സഹായിക്കുന്ന ഒരു സന്തോഷം നൽകാൻ കഴിയാത്തതിലും എനിക്ക് ഖേദമുണ്ട്. ക്ഷമ ചോദിക്കുക മാത്രമാണ് എനിക്കിപ്പോൾ ചെയ്യാനുള്ളത്.
എന്നാൽ എന്റെ ഈ കളിക്കാർ—എന്റെ യോദ്ധാക്കൾ—കാണിച്ചുതന്ന ആ നിശ്ചയദാർഢ്യമാണ് നിങ്ങൾ ഓർത്തു വെക്കേണ്ടത്. തിരിച്ചടികൾ ഉണ്ടാകുമ്പോഴും പോരാടുക, സ്വന്തം കഴിവ് പരമാവധി പുറത്തെടുക്കുക, കാലുകൾക്ക് ഇനി ചലിക്കാൻ കഴിയില്ലെന്ന് തലച്ചോറ് പറയുമ്പോഴും വീണ്ടും എഴുന്നേറ്റ് നിൽക്കാൻ ശ്രമിക്കുക… ഇതാണ് യഥാർത്ഥ ട്രോഫി.”

     തൻ്റെ കോച്ചിംഗ് സ്റ്റാഫിനും കളിക്കാർക്കും എ.എഫ്.എ അംഗങ്ങൾക്കും അതിലേറെ നിരന്തരം പിന്തുണ നൽകിയ അർജന്റീനിയൻ ആരാധകർക്കും അദ്ദേഹം നന്ദി അറിയിച്ചു.
തോൽവിയുടെ നിരാശയിലും, ടീം ഗ്രൗണ്ടിൽ പുറത്തെടുത്ത കഠിനാധ്വാനത്തെയും ചെറുത്തുനിൽപ്പിനെയും അഭിമാനത്തോടെയാണ് സ്കലോണി കാണുന്നത് എന്ന് ഈ കുറിപ്പിൽ വ്യക്തമാണ്.