Official: നെയ്മർ PSGയിൽ പുതിയ കരാർ ഒപ്പ് വെച്ചു

നെയ്മർ ജൂനിയർ PSGയുമായി പുതിയ കരാർ ഒപ്പ് വെച്ചതായി ക്ലബ്ബ് ഔദ്യോഗികമായി പ്രഖ്യാപിച്ചു. മൂന്ന് വർഷത്തെ പുതിയ കരാറിൽ ഒപ്പ് വെച്ചതോടെ നിലവിൽ 2022 വരെ PSGയുമായി കരാറുണ്ടായിരുന്ന താരം 2025 വരെ ക്ലബ്ബിൽ തുടരും എന്നുറപ്പായി. PSGയുടെ ഭാഗമാകാൻ കഴിയുന്നത് സന്തോഷകരമാണെന്നും പാരിസിൽ താൻ സംതൃപ്തനാണെന്നുമാണ് കരാർ പുതുക്കിക്കൊണ്ട് നെയ്മർ പ്രതികരിച്ചിരിക്കുന്നത്.

താൻ പാരിസിൽ വെച്ച് ഒരു വ്യക്തി എന്ന നിലയിലും കളിക്കാരൻ എന്ന നിലയിലും ഏറെ വളർന്നു എന്ന് പറഞ്ഞ നെയ്മർ PSGയുടെ പ്രൊജക്ടിൽ താൻ സന്തുഷ്ടനാണെന്നും പറയുന്നു. ഇക്കാര്യങ്ങളെല്ലാം ക്ലബ്ബിൻ്റെ ഔദ്യോഗിക സ്റ്റേറ്റ്മെൻ്റിലുണ്ട്. 2017ലാണ് നെയ്മർ ബാഴ്സ വിട്ട് PSGയിൽ എത്തുന്നത്. ഫ്രഞ്ച് ക്ലബ്ബിനായി ഇതുവരെ 112 മത്സരങ്ങളിൽ കളിച്ച താരം 85 ഗോളുകളും 51 അസിസ്റ്റുകളും സ്വന്തം പേരിൽ കുറിച്ചിട്ടുണ്ട്. PSGക്കൊപ്പം ഇതുവരെ 9 കിരീടങ്ങളും അദ്ദേഹം നേടിയിട്ടുണ്ട്.