ബാഴ്‌സ സൂപ്പർ താരം കരാർ പുതുക്കില്ല, താരത്തിന് വേണ്ടി പിഎസ്ജിയും രംഗത്ത്!
ഈ സീസണോട് കൂടി കരാർ അവസാനിക്കുന്ന ബാഴ്‌സയുടെ സൂപ്പർ താരമാണ് ഡെംബലെ. താരത്തിന്റെ കരാർ പുതുക്കാൻ എഫ്സി ബാഴ്സലോണക്ക് താല്പര്യമുണ്ട്. ഇതുമായി ബന്ധപ്പെട്ട് കൊണ്ട് ചർച്ചകളും നടന്നിരുന്നു. എന്നാൽ ഡെംബലെ കരാർ പുതുക്കില്ല എന്ന റിപ്പോർട്ടുകളാണ് ഇപ്പോൾ പുറത്തേക്ക് വന്നു കൊണ്ടിരിക്കുന്നത്.40 മില്യൺ യൂറോയോളമാണ് ഗ്രോസ് സാലറിയായി കൊണ്ട് ഡെംബലെ ആവിശ്യപ്പെട്ടിരുന്നത്. ഇത് നൽകാൻ ബാഴ്‌സ തയ്യാറാവാതിരിക്കുകയായിരുന്നു.
ഇതോടെ മറ്റുള്ള ക്ലബുകളിൽ നിന്നും വരുന്ന ഓഫറുകൾ പരിഗണിക്കാൻ ഇപ്പോൾ ഡെംബലെയും ഏജന്റും തയ്യാറായിട്ടുണ്ട്. ഇതിനെ തുടർന്ന് നിരവധി ക്ലബുകൾ താരത്തെ സമീപിച്ചതായാണ് റിപ്പോർട്ടുകൾ. ഫ്രഞ്ച് വമ്പൻമാരായ പിഎസ്ജി താരത്തിൽ താല്പര്യം പ്രകടിപ്പിച്ചിട്ടുണ്ട്. കൂടാതെ ബയേൺ,മാഞ്ചസ്റ്റർ യുണൈറ്റഡ്, ചെൽസി, ന്യൂ കാസിൽ എന്നിവരൊക്കെ താരത്തിന്റെ ഏജന്റായ സിസോക്കെയെ ബന്ധപ്പെട്ടു എന്നാണ് അറിയാൻ കഴിയുന്നത്.
— Murshid Ramankulam (@Mohamme71783726) December 30, 2021
ഈ സീസണിൽ കേവലം എട്ട് മത്സരങ്ങൾ മാത്രമാണ് താരം ബാഴ്‌സക്കായി കളിച്ചിട്ടുള്ളത്.ഗോളുകളൊന്നും നേടാൻ സാധിച്ചിട്ടില്ല. രണ്ട് അസിസ്റ്റുകൾ താരം കുറിച്ചിട്ടുണ്ട്.2017-ലായിരുന്നു ഡെംബലെ എഫ്സി ബാഴ്സലോണയിൽ എത്തിയത്. അതിന് ശേഷം ആകെ 126 മത്സരങ്ങൾ കളിച്ച താരം 30 ഗോളുകളും 23 അസിസ്റ്റുകളും സ്വന്തമാക്കിയിട്ടുണ്ട്.
