ടീമിനെ ശക്തിപ്പെടുത്തണോ? ആ അർജന്റൈൻ സൂപ്പർ താരത്തെ സ്വന്തമാക്കൂ : സിമയോണിയോട് സാവിയോള!

2018-ൽ റേസിംഗ് ക്ലബ്ബിൽ നിന്നായിരുന്നു സൂപ്പർ താരമായ ലൗറ്ററോ മാർട്ടിനെസ് ഇന്റർമിലാനിലേക്ക് എത്തിയത്. അതിനുശേഷം തകർപ്പൻ പ്രകടനമാണ് അദ്ദേഹം ഇന്ററിന് വേണ്ടിയും അർജന്റീനക്ക് വേണ്ടിയും പുറത്തെടുക്കുന്നത്.ഈ സിരി എയിൽ 16 ഗോളുകളും 3 അസിസ്റ്റുകളും താരം സ്വന്തമാക്കിയിട്ടുണ്ട്. നിരവധി ക്ലബ്ബുകൾ ഇത്തരത്തിൽ താല്പര്യം പ്രകടിപ്പിച്ചിട്ടുമുണ്ട്.

ഏതായാലും മുൻ അർജന്റൈൻ താരമായിരുന്ന ഹവിയർ സാവിയോള അത്ലറ്റിക്കോ മാഡ്രിഡിന്റെ അർജന്റൈൻ പരിശീലകനായ ഡിയഗോ സിമയോണിക്ക് ഒരു ഉപദേശം നൽകിയിട്ടുണ്ട്.അതായത് ടീമിനെ ശക്തിപ്പെടുത്താൻ ഏറ്റവും അനുയോജ്യമായ താരമാണ് ലൗറ്ററോ എന്നാണ് അദ്ദേഹം പറഞ്ഞിട്ടുള്ളത്.സാവിയോളയുടെ വാക്കുകൾ TYC റിപ്പോർട്ട് ചെയ്തിരിക്കുന്നത് ഇങ്ങനെയാണ്.

” അത്ലറ്റിക്കോ മാഡ്രിഡിന്റെ ശക്തി വർദ്ധിപ്പിക്കാൻ അനുയോജ്യനായ ഒരു താരമാണ് ലൗറ്ററോ മാർട്ടിനെസ്. നിലവിലെ ഏറ്റവും മികച്ച സ്ട്രൈക്കർമാരിൽ ഒരാളാണ് അദ്ദേഹം. വളരെയധികം ആഗ്രഹങ്ങളും ലക്ഷ്യങ്ങളുമുള്ള ഒരു താരമാണ് ലൗറ്ററോ. സമ്പൂർണ്ണനായ, മാരകപ്രഹരശേഷിയുള്ള താരമാണ് അദ്ദേഹം. മറ്റുള്ള കളിക്കാരുമായി ഒത്തിണങ്ങാൻ അദ്ദേഹത്തിന് വേഗത്തിൽ കഴിയുന്നു ” ഇതാണ് സാവിയോള പറഞ്ഞിട്ടുള്ളത്.

ഈ സീസണിനു ശേഷം ക്ലബ് വിടുന്ന സൂപ്പർ താരം ലൂയിസ് സുവരാസിന്റെ പകരക്കാരനെ അന്വേഷിക്കുകയാണ് അത്ലറ്റിക്കോ.ലൗറ്ററോയെ അവർ പരിഗണിക്കുന്നുണ്ട്. എന്നാൽ 80 മില്യൺ യൂറോയോളമാണ് ഇന്റർ ആവശ്യപ്പെടുന്നത്.