പൊളിച്ചടുക്കി പൗലോ ഡിബാല,താരത്തിന്റെ ചിറകിലേറി റോമ കുതിക്കുന്നു!
ഇന്നലെ ഇറ്റാലിയൻ സിരി എയിൽ നടന്ന മത്സരത്തിൽ മികച്ച വിജയം നേടാൻ വമ്പൻമാരായ റോമക്ക് കഴിഞ്ഞിരുന്നു.എതിരില്ലാത്ത രണ്ടു ഗോളുകൾക്കായിരുന്നു റോമ ഫിയോറെന്റിനയെ പരാജയപ്പെടുത്തിയത്.പൗലോ ഡിബാല തന്നെയാണ് മത്സരത്തിൽ ഹീറോയായത്. 2 ഗോളുകളും നേടിയത് ഈ അർജന്റീന സൂപ്പർതാരമാണ്.
മത്സരത്തിന്റെ തുടക്കത്തിൽ തന്നെ ഡോഡോക്ക് റെഡ് കാർഡ് ലഭിച്ചത് ഫിയോറെന്റിനക്ക് തിരിച്ചടിയാവുകയായിരുന്നു. നാല്പതാം മിനിട്ടിലാണ് ഡിബാലയുടെ ആദ്യ ഗോൾ പിറക്കുന്നത്.ടാമ്മി എബ്രഹാമിന്റെ അസിസ്റ്റിൽ നിന്നാണ് ഡിബാല ഗോൾ കണ്ടെത്തിയത്.82ആം മിനുട്ടിൽ ഈ കൂട്ടുകെട്ടിന്റെ ഗോൾ വീണ്ടും പിറന്നതോടെ റോമ വിജയം കരസ്ഥമാക്കുകയായിരുന്നു.
Oggi altra vittoria di qualità! contento per la doppietta e per l’ottima prestazione di squadra, bravi tutti. Un ringraziamento a @tammyabraham DAJE ROMA✨💛❤️ pic.twitter.com/UgyAMKbZg0
— Paulo Dybala (@PauDybala_JR) January 15, 2023
മത്സരത്തിൽ ഉടനീളം മികവാർന്ന പ്രകടനമാണ് ഡിബാല പുറത്തെടുത്തത്. അതിന്റെ കണക്കുകൾ നമുക്കൊന്ന് നോക്കാം.60 touches, 2 goals (0.40 total xG),4 key passes, 39/43 accurate passes, 3/4 duels won, 3 tackles, 9.3 Sofascore rating. ഇതാണ് ഡിബാലയുടെ ഇന്നലത്തെ പെർഫോമൻസ്.
കഴിഞ്ഞ കോപ്പ ഇറ്റാലിയ മത്സരത്തിലും റോമയുടെ രക്ഷകനായത് ഡിബാല തന്നെയായിരുന്നു.ജെനോവക്കെതിരെ ഡിബാല നേടിയ ഗോളിലൂടെയാണ് റോമ വിജയിച്ചു കയറിയിരുന്നത്. നിലവിൽ മികച്ച ഫോമിലാണ് ഡിബാലയുള്ളത്.അത് ആരാധകർക്ക് സന്തോഷം പകരുന്ന ഒരു കാര്യമാണ്.
