ക്രിസ്റ്റ്യാനോ തിരിച്ചെത്തി,യുവന്റസിന്റെ സ്‌ക്വാഡ് പ്രഖ്യാപിച്ചു !

കോവിഡിൽ നിന്നും മുക്തനായ സൂപ്പർ താരം ക്രിസ്റ്റ്യാനോ റൊണാൾഡോ യുവന്റസിന്റെ സ്‌ക്വാഡിലേക്ക് തിരിച്ചെത്തി. ഇന്ന് സ്പെസിയയെ നേരിടാനുള്ള സ്‌ക്വാഡിലാണ് പരിശീലകൻ പിർലോ താരത്തിന് ഇടം നൽകിയത്. ലീഗിൽ മോശം പ്രകടനം തുടരുന്ന യുവന്റസ് ജയം മാത്രം ലക്ഷ്യമിട്ടായിരിക്കും കളത്തിലേക്കിറങ്ങുക. ഇന്ന് രാത്രി ഇന്ത്യൻ സമയം 7:30-നാണ് മത്സരം നടക്കുക. സ്പെസിയയുടെ മൈതാനത്ത് വെച്ചാണ് മത്സരം. അവസാനമായി കളിച്ച മൂന്ന് സിരി എ മത്സരത്തിലും യുവന്റസിന് സമനിലകുരുക്കായിരുന്നു. അതിനാൽ ഇനി മുന്നേറണമെങ്കിൽ ഇന്നത്തെ മത്സരത്തിൽ യുവന്റസിന് ജയം അനിവാര്യമാണ്. നിലവിൽ പോയിന്റ് ടേബിളിൽ ആറാം സ്ഥാനത്താണ് യുവന്റസ്. അഞ്ച് മത്സരങ്ങളിൽ നിന്ന് ഒമ്പത് പോയിന്റ് മാത്രമാണ് യുവന്റസിന്റെ സമ്പാദ്യം.

ഇന്നത്തെ മത്സരത്തിനുള്ള സ്‌ക്വാഡ് ഇങ്ങനെയാണ്. ഇരുപത് അംഗ സ്‌ക്വാഡ് ആണ് പരിശീലകൻ പിർലോ പുറത്ത് വിട്ടിരിക്കുന്നത്.

ഗോൾകീപ്പർമാർ : സെസ്‌നി, പിൻസോഗ്ലിയോ, ബുഫൺ

പ്രതിരോധനിരക്കാർ : ഡാനിലോ, ക്വഡ്രാഡോ, ബൊനൂച്ചി, ഡെമിറാൽ, ഫ്രബോട്ട

മധ്യനിരക്കാർ : ആർതർ, റാംസി, മക്കെന്നീ, ചിയേസ, റാബിയോട്ട്, ബെന്റാൻക്കർ, ബെർണാഡ്ഷി, പോർട്ടനോവ, കുലുസെവ്സ്ക്കി

മുന്നേറ്റനിരക്കാർ : റൊണാൾഡോ, മൊറാറ്റ, ദിബാല