മാഞ്ചസ്റ്റർ യുണൈറ്റഡിൽ ഏറ്റവും കൂടുതൽ സാലറി വാങ്ങുന്ന താരങ്ങളിൽ ഒരാളായി കാസമിറോ,ലിസ്റ്റ് പുറത്ത്!

റയൽ മാഡ്രിഡിന്റെ ബ്രസീലിയൻ സൂപ്പർ താരമായ കാസമിറോയെ തങ്ങൾ സ്വന്തമാക്കിയ വിവരം പ്രീമിയർ ലീഗ് വമ്പൻമാരായ മാഞ്ചസ്റ്റർ യുണൈറ്റഡ് ഒഫീഷ്യലായിക്കൊണ്ട് അറിയിച്ചിരുന്നു. നാലുവർഷത്തെ കരാറിലാണ് കാസമിറോ ഇപ്പോൾ ഒപ്പു വെച്ചിരിക്കുന്നത്. ആകെ 70 മില്യൺ യൂറോയാണ് താരത്തിനു വേണ്ടി മാഞ്ചസ്റ്റർ യുണൈറ്റഡ് ചിലവഴിക്കുക.

ഏതായാലും തികച്ചും അപ്രതീക്ഷിതമായ ഒരു നീക്കം തന്നെയാണ് മാഞ്ചസ്റ്റർ യുണൈറ്റഡ് നടത്തിയിട്ടുള്ളത്. പുതിയ ചാലഞ്ച് ആഗ്രഹിച്ചിരുന്ന കാസമിറോയെ കൺവിൻസ് ചെയ്യിക്കാൻ യുണൈറ്റഡിന് വളരെ പെട്ടെന്ന് സാധിച്ചു. മാത്രമല്ല വലിയ രൂപത്തിലുള്ള സാലറിയാണ് താരത്തിന് മാഞ്ചസ്റ്റർ യുണൈറ്റഡ് നൽകുക.പുറത്തുവരുന്ന റിപ്പോർട്ടുകൾ പ്രകാരം മാഞ്ചസ്റ്റർ യുണൈറ്റഡിൽ ഏറ്റവും കൂടുതൽ സാലറി കൈപ്പറ്റുന്ന മൂന്നാമത്തെ താരം ഇനി മുതൽ കാസമിറോയായിരിക്കും.

18.2 മില്യൺ പൗണ്ടാണ് ഒരു വർഷം കാസമിറോക്ക് സാലറി ഇനത്തിൽ ലഭിക്കുക. യുണൈറ്റഡിൽ ഇതിനേക്കാൾ കൂടുതൽ സാലറി കൈപ്പറ്റുന്നത് ക്രിസ്റ്റ്യാനോ റൊണാൾഡോയും ഡിഹിയയും മാത്രമാണ്.25 മില്യൺ പൗണ്ടാണ് ഒന്നാം സ്ഥാനത്തുള്ള റൊണാൾഡോയുടെ സാലറി.19.5 മില്യൺ പൗണ്ടാണ് ഗോൾകീപ്പറായ ഡേവിഡ് ഡിഹിയ കൈപ്പറ്റുന്നത്.ദി സണ്ണിനെ ഉദ്ധരിച്ചുകൊണ്ട് ഗ്ലോബോയാണ് ഇക്കാര്യം റിപ്പോർട്ട് ചെയ്തിട്ടുള്ളത്.

ഏതായാലും മാഞ്ചസ്റ്റർ യുണൈറ്റഡ് ഏറ്റവും കൂടുതൽ സാലറി കൈപ്പറ്റുന്ന 10 താരങ്ങളുടെ ലിസ്റ്റ് താഴെ നൽകുന്നു.