മാഞ്ചസ്റ്റർ യുണൈറ്റഡിലെ തന്റെ ഐഡോൾ ആരെന്ന് വെളിപ്പെടുത്തി കാസമിറോ!

ഈ ട്രാൻസ്ഫർ ജാലകത്തിൽ തികച്ചും അപ്രതീക്ഷിതമായി കൊണ്ടായിരുന്നു റയലിന്റെ ബ്രസീലിയൻ സൂപ്പർതാരമായ കാസമിറോ ക്ലബ്ബ് വിട്ടുകൊണ്ട് മാഞ്ചസ്റ്റർ യുണൈറ്റഡിൽ എത്തിയത്. താരത്തിന് വേണ്ടി 70 മില്യൺ യുറോയോളം മാഞ്ചസ്റ്റർ യുണൈറ്റഡ് ചിലവഴിച്ചിട്ടുണ്ട്. നിലവിൽ യുണൈറ്റഡ് ജേഴ്സിയിൽ അരങ്ങേറ്റത്തിനുള്ള ഒരുക്കത്തിലാണ് കാസമിറോയുള്ളത്.

ഏതായാലും കഴിഞ്ഞ ദിവസം ഇൻ ഹൗസ് മീഡിയക്ക് കാസമിറോ ഒരു അഭിമുഖം നൽകിയിരുന്നു. ഈ അഭിമുഖത്തിൽ മാഞ്ചസ്റ്റർ യുണൈറ്റഡിലെ ഐഡോൾ അഥവാ ആരാധനാപാത്രം ആരാണെന്ന് കാസമിറോ തുറന്ന് പറഞ്ഞിട്ടുണ്ട്. ഇതിഹാസ താരമായ ഷോൾസാണ് കാസമിറോയുടെ ഐഡോൾ. കൂടാതെ മൈക്കൽ കാരിക്കിനെയും താരം പ്രശംസിച്ചിട്ടുണ്ട്.കാസമിറോയുടെ വാക്കുകൾ ഇങ്ങനെയാണ്.

” മധ്യനിരയിൽ കളിക്കുന്ന താരങ്ങളുടെ കാര്യത്തിൽ എപ്പോഴും എന്റെ ഐഡോൾ സിനദിൻ സിദാനാണ്.പക്ഷേ മാഞ്ചസ്റ്റർ യുണൈറ്റഡിന്റെ കാര്യത്തിലേക്ക് വരുമ്പോൾ എന്റെ ഐഡോൾ പോൾ ഷോൾസാണ്. അദ്ദേഹം ഉയരം കുറവുള്ള ഒരു താരമായിരുന്നുവെങ്കിലും വലിയ ഫൈറ്ററായിരുന്നു. കളത്തിൽ എല്ലാം നൽകി കൊണ്ടാണ് അദ്ദേഹം കളിക്കാറുള്ളത്.അദ്ദേഹത്തിന്റെ നീളൻ പാസ്സുകൾ അത്ഭുതപ്പെടുത്തുന്ന ഒന്നാണ്. കൂടാതെ മൈക്കൽ ക്യാരിക്കും മികച്ച താരമാണ്. യുണൈറ്റഡിന്റെ മധ്വനിരയിൽ എപ്പോഴും മികച്ച താരങ്ങൾ ഉണ്ടാവാറുണ്ട്.ഞാൻ വളരെയധികം ഇഷ്ടപ്പെടുന്ന താരം തന്നെയാണ് പോൾ ഷോൾസ് ” ഇതാണ് കാസമിറോ പറഞ്ഞിട്ടുള്ളത്.

സമീപകാലത്ത് യുണൈറ്റഡിന്റെ മധ്യനിരക്ക് വലിയ രൂപത്തിലുള്ള വിമർശനങ്ങൾ ഏൽക്കേണ്ടി വന്നിരുന്നു.എന്നാൽ കാസമിറോയുടെ വരവോടുകൂടി അതിനു പരിഹാരമാവുമെന്നാണ് പ്രതീക്ഷിക്കപ്പെടുന്നത്.