തോക്കിൻ മുനയിൽ നിർത്തിയാൽ പോലും ഹാലന്റിനെ നിങ്ങൾക്ക് തടയാൻ കഴിയില്ല: പെപ്

ഇന്നലെ ഇംഗ്ലീഷ് പ്രീമിയർ ലീഗിൽ നടന്ന മത്സരത്തിൽ വിജയം നേടാൻ നിലവിലെ ജേതാക്കളായ മാഞ്ചസ്റ്റർ സിറ്റിക്ക് സാധിച്ചിട്ടുണ്ട്.ഒന്നിനെതിരെ മൂന്ന് ഗോളുകൾക്കാണ് അവർ വെസ്റ്റ് ഹാം യുണൈറ്റഡിനെ തോൽപ്പിച്ചത്.തിളങ്ങിയത് മറ്റാരുമല്ല,ഹാലന്റ് തന്നെയാണ്. വീണ്ടുമൊരു ഹാട്രിക്ക് കൂടി അദ്ദേഹം സ്വന്തമാക്കുകയായിരുന്നു. മത്സരത്തിന്റെ 10, 30,83 മിനിട്ടുകളിലാണ് അദ്ദേഹത്തിന്റെ ഗോൾ പിറന്നത്.

ഇത്തവണത്തെ പ്രീമിയർ ലീഗ് സീസണിൽ അദ്ദേഹം നേടുന്ന രണ്ടാമത്തെ ഹാട്രിക്ക് കൂടിയാണ് ഇത്.താരത്തെ പ്രശംസിച്ചുകൊണ്ട് മാഞ്ചസ്റ്റർ സിറ്റിയുടെ പരിശീലകനായ പെപ് ഒരിക്കൽ കൂടി സംസാരിച്ചിട്ടുണ്ട്. തോക്കിൻ മുനയിൽ നിർത്തിയാൽ പോലും നിങ്ങൾക്ക് ഹാലന്റിനെ തടയാൻ കഴിയില്ല എന്നാണ് അദ്ദേഹം പറഞ്ഞിട്ടുള്ളത്.സിറ്റി പരിശീലകന്റെ വാക്കുകൾ ഇങ്ങനെയാണ്.

“ഹാലന്റ് തടയാൻ സാധിക്കാത്ത ഒരു താരമാണ്.അദ്ദേഹത്തെ തടയാൻ കഴിയുന്ന ഒരു സെൻട്രൽ മിഡ്‌ഫീൽഡറും ഇപ്പോൾ ഇല്ല.തോക്കിൻ മുനയിൽ നിർത്തിയാൽ പോലും അദ്ദേഹത്തെ തടയാൻ സാധിക്കില്ല.അസാധ്യമാണ്, അദ്ദേഹം അത്രയും പവർഫുൾ ആണ്.അദ്ദേഹം അദ്ദേഹത്തിന്റെ ജോലി തുടരട്ടെ. നമ്മൾ അതിനുള്ള ഫ്രീഡം ആണ് അദ്ദേഹത്തിന് നൽകേണ്ടത്.3 ഗോളുകൾ അദ്ദേഹം നേടി.ഒരുതവണ പോലും ഇപ്പോൾ അദ്ദേഹം നഷ്ടപ്പെടുത്തിയില്ല. എല്ലാ അർത്ഥത്തിലും മികച്ച പ്രകടനമാണ് അദ്ദേഹം ഇന്ന് നടത്തിയിട്ടുള്ളത് “ഇതാണ് സിറ്റി പരിശീലകൻ പറഞ്ഞിട്ടുള്ളത്.

പ്രീമിയർ ലീഗിൽ കേവലം 3 മത്സരങ്ങളാണ് താരം കളിച്ചിട്ടുള്ളത്. അതിൽ നിന്ന് ഏഴ് ഗോളുകൾ തന്നെ ഇതിനോടകം അദ്ദേഹം സ്വന്തമാക്കി കഴിഞ്ഞു.ഇത്തവണത്തെ ഗോൾഡൻ ബൂട്ടും അദ്ദേഹം തന്നെ സ്വന്തമാക്കും എന്നാണ് പ്രതീക്ഷിക്കപ്പെടുന്നത്.