തകർപ്പൻ ജയത്തോടെ ആരംഭം കുറിച്ച് നീലപ്പട!

പ്രീമിയർ ലീഗിൽ നടന്ന തങ്ങളുടെ ആദ്യ മത്സരത്തിൽ കരുത്തരായ ചെൽസിക്ക്‌ വിജയം. എതിരില്ലാത്ത മൂന്ന് ഗോളുകൾക്കാണ് ചെൽസി ക്രിസ്റ്റൽ പാലസിനെ തകർത്തു വിട്ടത്.അലോൺസോ, പുലിസിച്ച്,ചാലോബാ എന്നിവരാണ് ചെൽസിയുടെ ഗോളുകൾ നേടിയത്.മത്സരത്തിന്റെ 27-ആം മിനിറ്റിൽ ഫ്രീകിക്കിലൂടെയാണ് അലോൺസോ ഗോൾ നേടിയത്.40-ആം മിനിറ്റിൽ പുലിസിച്ച് നീലപ്പടയുടെ ലീഡുയർത്തി.58-ആം മിനിറ്റിലാണ് യുവതാരം ചാലോബാ തന്റെ കന്നി ഗോൾ കണ്ടെത്തിയത്. കൊവാസിച്ചായിരുന്നു ഈ ഗോളിന് വഴിയൊരുക്കിയത്. ജയത്തോടെ മൂന്ന് പോയിന്റുകൾ കരസ്ഥമാക്കാൻ ചെൽസിക്ക്‌ കഴിഞ്ഞു.

അതേസമയം മറ്റൊരു മത്സരത്തിൽ എവെർട്ടൻ ഒന്നിനെതിരെ മൂന്ന് ഗോളുകൾക്ക്‌ സതാംപ്റ്റണെ തകർത്തു വിട്ടു.റിച്ചാർലീസൺ,ഡൂകറെ,കാൽവെർട്ട് ലെവിൻ എന്നിവരാണ് എവെർട്ടണിന്റെ ഗോളുകൾ നേടിയത്.മറ്റൊരു മത്സരത്തിൽ ബ്രെയിറ്റൺ ബേൺലിയെ ഒന്നിനെതിരെ രണ്ട് ഗോളുകൾക്ക്‌ പരാജയപ്പെടുത്തി.കൂടാതെ ലെസ്റ്റർ, വാട്ട്ഫോർഡ് എന്നിവരും ജയത്തോടെ പ്രീമിയർ ലീഗിന് തുടക്കം കുറിച്ചു.എതിരില്ലാത്ത ഒരു ഗോളിനാണ് ലെസ്റ്റർ വോൾവ്‌സിനെ പരാജയപ്പെടുത്തിയത്. അതേസമയം 3-2 എന്ന സ്കോറിനാണ് വാട്ട്ഫോർഡ് ആസ്റ്റൺ വില്ലയെ കീഴടക്കിയത്.