ചെൽസിയിൽ പോവുമോ? ഡിബാലയുടെ പ്രതികരണം!

അർജന്റൈൻ സൂപ്പർ താരമായ പൗലോ ഡിബാല നിലവിൽ ഇറ്റാലിയൻ വമ്പൻമാരായ റോമക്ക് വേണ്ടിയാണ്. കഴിഞ്ഞ സീസണിൽ റോമക്ക് വേണ്ടി തകർപ്പൻ പ്രകടനം പുറത്തെടുക്കാൻ ഈ സൂപ്പർതാരത്തിന് കഴിഞ്ഞിരുന്നു.അതുകൊണ്ടുതന്നെ ചില ഇംഗ്ലീഷ് പ്രീമിയർ ലീഗ് ക്ലബ്ബുകൾക്ക് അദ്ദേഹത്തെ സ്വന്തമാക്കാൻ താല്പര്യമുണ്ട്. ഏറ്റവും പുതുതായി അതിലേക്ക് കടന്നുവന്ന ടീമാണ് ചെൽസി.

ചെൽസിയുടെ പുതിയ പരിശീലകനായ പോച്ചെട്ടിനോക്ക് ഡിബാലയെ ടീമിലേക്ക് കൊണ്ടുവരാൻ താല്പര്യമുണ്ട്. മാത്രമല്ല ചെൽസി സൂപ്പർ താരമായ സിൽവ ഇതേക്കുറിച്ച് ഒരു പരാമർശം നടത്തുകയും ചെയ്തിരുന്നു. ഏതായാലും ഡിബാല ഈ സമ്മറിൽ ചെൽസിയിലേക്ക് എത്തുമോ എന്നുള്ളത് ഏവരും ഉറ്റുനോക്കുന്ന ഒരു കാര്യമാണ്.അത് അദ്ദേഹത്തോട് തന്നെ ചോദിക്കുകയും ചെയ്തിരുന്നു.ഡിബാലയുടെ മറുപടി ഇങ്ങനെയാണ്.

“തീർച്ചയായും ഞാൻ റോമയിൽ സന്തോഷവാനാണ്.ഞാനിവിടെത്തന്നെ തുടരും. ഞങ്ങൾ നാളെയാണ് പരിശീലനം ആരംഭിക്കുന്നത് ” ഇതാണ് ഈ അർജന്റീന സൂപ്പർതാരം പറഞ്ഞിട്ടുള്ളത്.

അതായത് ചെൽസിയിൽ എത്താനുള്ള സാധ്യതകളെ അദ്ദേഹം തള്ളിക്കളഞ്ഞിട്ടുണ്ട്.അടുത്ത സീസണിലും അദ്ദേഹം റോമയിൽ തന്നെ തുടരും. കഴിഞ്ഞ സീസണിൽ ഡിബാല യുവന്റസ് വിട്ടുകൊണ്ട് റോമയിൽ എത്തിയത്. ചുരുങ്ങിയ കാലയളവ് കൊണ്ടുതന്നെ ആരാധകരുടെ പ്രിയപ്പെട്ട താരമായി മാറാൻ ഡിബാലക്ക് സാധിച്ചിരുന്നു.