ചാമ്പ്യൻസ് ലീഗ് കിട്ടിയ പോലെയാണ് ആഘോഷം: ചെൽസിക്ക് പരിഹാസം.

ഇന്നലെ ഇംഗ്ലീഷ് പ്രീമിയർ ലീഗിൽ നടന്ന മത്സരത്തിൽ വിജയം നേടാൻ ചെൽസിക്ക് സാധിച്ചിരുന്നു. രണ്ടിനെതിരെ 3 ഗോളുകൾക്കായിരുന്നു അവർ ബ്രൈറ്റണെ പരാജയപ്പെടുത്തിയത്. ഇരട്ട ഗോളുകൾ നേടിയ അർജന്റൈൻ സൂപ്പർ താരം എൻസോ ഫെർണാണ്ടസാണ് മത്സരത്തിൽ ചെൽസിക്ക് വേണ്ടി തിളങ്ങിയത്. ശേഷിച്ച ഗോൾ കോൾവില്ലിന്റെ വകയായിരുന്നു.

മത്സരത്തിന്റെ ആദ്യ പകുതിയിൽ ഗല്ലഗർ റെഡ് കാർഡ് കണ്ട് പുറത്തായിരുന്നു.എന്നിട്ടും വിജയം സ്വന്തമാക്കാൻ ചെൽസിക്ക് സാധിക്കുകയായിരുന്നു. എന്നാൽ ചെൽസിയുടെ വിജയാഘോഷങ്ങളെ ഫുട്ബോൾ നിരീക്ഷകനും കമന്ററ്ററുമായ റിച്ചാർഡ് കീസ് പരിഹസിച്ചിട്ടുണ്ട്.ചാമ്പ്യൻസ് ലീഗ് കിരീടം നേടിയ പോലെയാണ് ചെൽസിയുടെ ആഘോഷം എന്നാണ് ഇദ്ദേഹം പറഞ്ഞിട്ടുള്ളത്.റിച്ചാർഡിന്റെ വാക്കുകൾ ഇങ്ങനെയാണ്.

” കഴിഞ്ഞ വർഷം ആഴ്സണൽ ഫുൾഹാമിനെ പരാജയപ്പെടുത്തിയപ്പോൾ ഞാൻ പറഞ്ഞ അഭിപ്രായങ്ങൾ ഇവിടെ വീണ്ടും രേഖപ്പെടുത്താൻ എനിക്ക് മടിയുണ്ട്.പക്ഷേ സത്യം അതാണ്.ബ്രൈറ്റണെതിരെയാണ് വിജയിച്ചു തന്നെ ചെൽസിക്ക് ഓർമ്മവേണം.അവരുടെ ആഘോഷം കണ്ടാൽ ചാമ്പ്യൻസ് ലീഗ് കിരീടം നേടിയ പോലെയാണ്.ഭയങ്കരമായ ആഘോഷമാണ് അവർ നടത്തുന്നത്.എങ്ങനെയാണ് ചെൽസിക്ക് ഇതൊരു വലിയ വിജയമായി തോന്നുന്നത്? ഇതായിരുന്നു ഒരു കീസ് ഈ മത്സരത്തെക്കുറിച്ച് പറഞ്ഞിരുന്നത്.

ചെൽസി ഇപ്പോൾ വളരെ ബുദ്ധിമുട്ടേറിയ ഒരു സമയത്തിലൂടെയാണ് കടന്നുപോയിക്കൊണ്ടിരിക്കുന്നത്.ഇംഗ്ലീഷ് പ്രീമിയർ ലീഗിൽ പത്താം സ്ഥാനത്താണ് ഇപ്പോൾ ചെൽസി ഉള്ളത്. അവസാനമായി കളിച്ച മൂന്നു മത്സരങ്ങളിൽ നിന്ന് ചെൽസി നേടുന്ന ഏക വിജയം കൂടിയാണ് ഇത്. ഇനി മാഞ്ചസ്റ്റർ യുണൈറ്റഡ്നെയാണ് ചെൽസി നേരിടുക.വരുന്ന ഏഴാം തീയതിയാണ് ഈ മത്സരം നടക്കുക.