ക്രിസ്റ്റ്യാനോയോടുള്ള ഇഷ്ടം മുമ്പേ വെളിപ്പെടുത്തിയത്,ടെൻ ഹാഗ് യുണൈറ്റഡിൽ എത്തുമോ?

ഈ സീസണോടുകൂടിയാണ് മാഞ്ചസ്റ്റർ യുണൈറ്റഡിന്റെ പരിശീലകനായ റാൾഫ് റാഗ്നിക്കിന്റെ ക്ലബ്ബുമായുള്ള പരിശീലക കരാർ അവസാനിക്കുക.അതിന് ശേഷം അദ്ദേഹം ക്ലബ്ബിന്റെ കൺസൾട്ടന്റായിരിക്കും. അതുകൊണ്ടുതന്നെ യുണൈറ്റഡിന് അടുത്ത സീസണിലേക്ക് ഒരു സ്ഥിര പരിശീലകനെ വേണം.പിഎസ്ജിയുടെ പരിശീലകനായ മൗറിസിയോ പോച്ചെട്ടിനോക്ക് പുറമെ അയാക്സ് പരിശീലകനായ എറിക് ടെൻ ഹാഗിനെയും യുണൈറ്റഡ് പരിഗണിക്കുന്നുണ്ട്.

ക്രിസ്റ്റ്യാനോയും ടെൻ ഹാഗും ഒന്നിക്കുമോ എന്നുള്ളതാണ് ഇപ്പോൾ ആരാധകർ ഉറ്റുനോക്കുന്ന ഒരു കാര്യം.അടുത്ത വർഷമാണ് ഇദ്ദേഹത്തിന്റെ അയാക്സുമായുള്ള കരാർ അവസാനിക്കുക.പക്ഷെ അദ്ദേഹം ഈ സീസണിനു ശേഷം ക്ലബ്ബ് വിടുമെന്നുള്ള റൂമറുകൾ സജീവമാണ്. ഏതായാലും മുമ്പ് തന്നെ ക്രിസ്റ്റ്യാനോയോടുള്ള ഇഷ്ടം ടെൻ ഹാഗ് പങ്കു വെച്ചിട്ടുണ്ട്.2019-ൽ ചാമ്പ്യൻസ് ലീഗിൽ യുവന്റസും അയാക്സും തമ്മിൽ ഏറ്റുമുട്ടിയിരുന്നു. ആ മത്സരത്തിനു മുന്നേ ക്രിസ്റ്റ്യാനോയെ കുറിച്ച് ടെൻ ഹാഗ് പറഞ്ഞത് ഇങ്ങനെയാണ്.

” റൊണാൾഡോ കളിക്കുകയാണെങ്കിൽ അതൊരു നല്ല കാര്യമായിരിക്കും. കാരണം ഏറ്റവും മികച്ച എതിരാളികളെയാണ് ഞങ്ങൾക്ക് ലഭിക്കേണ്ടത്.അതാണ് വെല്ലുവിളി. അത്തരത്തിലുള്ള വെല്ലുവിളികളെ ഞങ്ങൾ ഇഷ്ടപ്പെടുന്നു. റൊണാൾഡോയെ പോലെയൊരു താരത്തിനെതിരെ കളിക്കുന്നത് ഫന്റാസ്റ്റിക്കായിട്ടുള്ള ഒരു അനുഭവമായിരിക്കും” ഇതായിരുന്നു മുമ്പ് ടെൻ ഹാഗ് റൊണാൾഡോയെ കുറിച്ച് പറഞ്ഞത്.

ഈ സീസണിൽ യുണൈറ്റഡിലേക്ക് തിരികെയെത്തിയ ക്രിസ്റ്റ്യാനോ മോശമല്ലാത്ത രൂപത്തിൽ കളിച്ചിട്ടുണ്ട്.18 ഗോളുകൾ നേടിയ താരമാണ് യുണൈറ്റഡിന്റെ ടോപ് സ്കോറർ. പക്ഷേ ഈ സീസണിൽ താരത്തിന് കിരീടങ്ങൾ നേടാൻ സാധിച്ചേക്കില്ല.