കാറപകടം,പരിക്കുകളില്ലാതെ രക്ഷപ്പെട്ട് അർജന്റൈൻ താരം!

ഫുട്ബോൾ ലോകത്ത് നിന്നും ഒരു അപകട വാർത്തയാണ് കഴിഞ്ഞ ദിവസം പുറത്തേക്ക് വന്നിട്ടുള്ളത്.വെസ്റ്റ് ഹാമിന്റെ അർജന്റൈൻ മധ്യനിര താരമായ മാനുവൽ ലാൻസിനി കഴിഞ്ഞ ദിവസം കാറപകടത്തിൽ പെട്ടിരുന്നു.എന്നാൽ പരിക്കുകളില്ലാതെ താരം രക്ഷപ്പെട്ടു കഴിഞ്ഞു എന്നുള്ള ആശ്വാസ വാർത്തയും ഇതിനോടൊപ്പമുണ്ട്.ഗോൾ ഡോട്ട് കോം അടക്കമുള്ള എല്ലാ പ്രമുഖ മാധ്യമങ്ങളും ഇക്കാര്യം റിപ്പോർട്ട് ചെയ്തിട്ടുണ്ട്.

വെസ്റ്റ് ഹാമിന്റെ പരിശീലന മൈതാനത്തേക്കുള്ള യാത്രക്കിടയിലാണ് താരത്തിന്റെ കാർ അപകടത്തിൽപ്പെട്ടത്. നിയന്ത്രണം വിട്ട കാർ മരത്തിലിടിച്ചു കൊണ്ട് തകരുകയായിരുന്നു.എന്നാൽ താരം പരിക്കുകൾ ഇല്ലാതെ രക്ഷപ്പെടുകയായിരുന്നു.താരത്തെ പരിശോധിച്ച മെഡിക്കൽ ജീവനക്കാർ ഹോസ്പിറ്റലിൽ പോവേണ്ട ആവിശ്യമില്ലെന്ന് ലാൻസിനിയെ അറിയിക്കുകയായിരുന്നു.

നിലവിൽ വെസ്റ്റ് ഹാമിന് വേണ്ടിയാണ് ലാൻസിനി കളിച്ചു കൊണ്ടിരിക്കുന്നത്.റിവർ പ്ലേറ്റ്,ഫ്ലൂമിനൻസ് എന്നീ ക്ലബ്ബുകൾക്ക് വേണ്ടി താരം മുമ്പ് കളിച്ചിട്ടുണ്ട്.കൂടാതെ അർജന്റൈൻ ദേശീയ ടീമിന് വേണ്ടി 5 മത്സരങ്ങളും ലാൻസിനി കളിച്ചിട്ടുണ്ട്. അർജന്റീന ക്ക് വേണ്ടി ഒരു ഗോൾ നേടാനും താരത്തിന് സാധിച്ചു.

വെസ്റ്റ് ഹാമിന്റെ അടുത്ത മത്സരം എവെർട്ടണെതിരെയാണ്. ഞായറാഴ്ച വൈകീട്ട് ഇന്ത്യൻ സമയം 6:30-നാണ് ഈയൊരു മത്സരം അരങ്ങേറുക. ഈ മത്സരത്തിനുള്ള ഒരുക്കത്തിലായിരുന്നു ലാൻസിനി. നിലവിൽ പ്രീമിയർ ലീഗിൽ ഏഴാം സ്ഥാനത്താണ് വെസ്റ്റ് ഹാമുള്ളത്.