ഇത് ഞാൻ ഒരിക്കലും മറക്കില്ല: സലാ നൽകിയത് ക്ലബ്ബ് വിടുന്നതിന്റെ സൂചനകൾ?

തകർപ്പൻ പ്രകടനമാണ് ലിവർപൂൾ ഇപ്പോൾ പ്രീമിയർ ലീഗിൽ നടത്തിക്കൊണ്ടിരിക്കുന്നത്. 10 മത്സരങ്ങളിൽ എട്ട് വിജയം അവർ നേടിയിട്ടുണ്ട്.25 പോയിന്റുള്ള ലിവർപൂൾ തന്നെയാണ് ഒന്നാം സ്ഥാനത്ത് തുടരുന്നത്. കഴിഞ്ഞ മത്സരത്തിൽ ഒന്നിനെതിരെ 2 ഗോളുകൾക്ക് ബ്രൈറ്റനെ ലിവർപൂൾ പരാജയപ്പെടുത്തിയിരുന്നു. മത്സരത്തിൽ മുഹമ്മദ് സലായായിരുന്നു അവരുടെ വിജയ ഗോൾ നേടിയിരുന്നത്.

ഈ വിജയത്തിന് ശേഷം സലാ തന്റെ സോഷ്യൽ മീഡിയയിൽ ഒരു മെസ്സേജ് പങ്കുവെച്ചിട്ടുണ്ട്. അതിന്റെ അവസാനത്തെ വാചകം ആരാധകരെ ഒരല്പം ആശങ്കപ്പെടുത്തുന്നത് തന്നെയാണ്.ആൻഫീൽഡിലെ അനുഭവങ്ങൾ താൻ ഒരിക്കലും മറക്കില്ല എന്നായിരുന്നു അദ്ദേഹം എഴുതിയിരുന്നത്.താരം ക്ലബ്ബ് വിടുന്നതിന്റെ സൂചനയാണ് നൽകിയത് എന്നാണ് ഇതിനെ പലരും വിലയിരുത്തുന്നത്.സലായുടെ വാക്കുകൾ ഇങ്ങനെയാണ്.

“പോയിന്റ് പട്ടികയിൽ ഒന്നാംസ്ഥാനത്താണ് ഞങ്ങൾ തുടരുന്നത്.അവിടെ തന്നെയാണ് ക്ലബ്ബ് ഇരിക്കേണ്ടതും.എല്ലാ ടീമുകളും മത്സരങ്ങളും വിജയിക്കും.പക്ഷേ അവസാനത്തിൽ ഒരു ചാമ്പ്യൻ മാത്രമാണ് ഉണ്ടാവുക.ചാമ്പ്യനാവുക എന്നുള്ളത് മാത്രമാണ് ഞങ്ങളുടെ ലക്ഷ്യം. കഴിഞ്ഞ ദിവസത്തെ നിങ്ങളുടെ പിന്തുണക്ക് ഞങ്ങൾ നന്ദി പറയുന്നു. എന്തൊക്കെ സംഭവിച്ചാലും ആൻഫീൽഡ് എങ്ങനെയായിരുന്നു എന്നുള്ളത് ഞാൻ ഒരിക്കലും മറക്കില്ല ” ഇതാണ് സലാ എഴുതിയിട്ടുള്ളത്.

അദ്ദേഹത്തിന്റെ കോൺട്രാക്ട് ഈ സീസൺ അവസാനിക്കുന്നതോടുകൂടി പൂർത്തിയാകും. ഈ കരാർ പുതുക്കാൻ അദ്ദേഹം ഇതുവരെ തയ്യാറായിട്ടില്ല.വരുന്ന സമ്മറിൽ അദ്ദേഹം ക്ലബ്ബ് വിടാൻ തന്നെയാണ് സാധ്യത.2017ലായിരുന്നു ഇദ്ദേഹം ലിവർപൂളിൽ എത്തിയത്. ക്ലബ്ബിനെ വേണ്ടി 273 മത്സരങ്ങൾ കളിച്ച താരം 164 ഗോളുകൾ നേടിയിട്ടുണ്ട്.ചാമ്പ്യൻസ് ലീഗും പ്രീമിയർ ലീഗുമൊക്കെ ഇദ്ദേഹം സ്വന്തമാക്കുകയും ചെയ്തിട്ടുണ്ട്.