അസന്തുഷ്ടനായ റൊണാൾഡോയെ നിങ്ങൾക്ക് പിടിച്ചുവെക്കാൻ കഴിയില്ല : ടെൻ ഹാഗിനോട് മക്കോയിസ്റ്റ്!

സൂപ്പർ താരം ക്രിസ്റ്റ്യാനോ റൊണാൾഡോ അടുത്ത സീസണിൽ യുണൈറ്റഡിൽ തന്നെ ഉണ്ടാവുമോ എന്നുള്ളത് ഇപ്പോഴും അവ്യക്തമായ കാര്യമാണ്. റൊണാൾഡോക്ക് യുണൈറ്റഡ് വിടാൻ താല്പര്യമുണ്ടെങ്കിലും യുണൈറ്റഡ് അതിന് സമ്മതം നൽകിയിട്ടില്ല. റൊണാൾഡോയെ വിൽക്കില്ല എന്നുള്ളത് യുണൈറ്റഡിന്റെ പരിശീലകനായ ടെൻ ഹാഗ് പരസ്യമായി പറയുകയും ചെയ്തിരുന്നു.

എന്നാൽ ഈ വിഷയത്തിൽ മുൻ സ്ക്കോട്ടിഷ് താരമായ അല്ലി മക്കോയിസ്റ്റ് ടെൻ ഹാഗിനോട് ചില കാര്യങ്ങൾ പറഞ്ഞിട്ടുണ്ട്. അതായത് അസന്തുഷ്ടനായ ഒരു താരത്തെ നിങ്ങൾക്ക് പിടിച്ചുവെക്കാൻ കഴിയില്ല എന്നാണ് ഇദ്ദേഹം പറഞ്ഞിട്ടുള്ളത്. കഴിഞ്ഞദിവസം ടോക്ക് സ്പോർട്ടിനോട് സംസാരിക്കുകയായിരുന്നു മക്കോ യിസ്റ്റ്.അദ്ദേഹത്തിന്റെ വാക്കുകൾ ഇങ്ങനെയാണ്.

” മാഞ്ചസ്റ്റർ യുണൈറ്റഡിൽ തുടരാൻ ക്രിസ്റ്റ്യാനോ റൊണാൾഡോ ആഗ്രഹിക്കുന്നില്ല. ശരിയായ കാര്യം തന്നെയാണ് ടെൻ ഹാഗ് പറഞ്ഞിട്ടുള്ളത്.പക്ഷേ അസന്തുഷ്ടനായ ഒരു താരത്തെ പിടിച്ചു വെക്കാൻ കഴിയില്ലെന്ന് അദ്ദേഹം മനസ്സിലാക്കണം. യുണൈറ്റഡ് വിടണമെന്ന് അദ്ദേഹം വ്യക്തമാക്കിയിട്ടുണ്ട്.10ൽ 9 സാധ്യതയും റൊണാൾഡോ യുണൈറ്റഡ് വിടാൻ തന്നെയാണ് ” ഇതാണ് മക്കോയിസ്റ്റ് പറഞ്ഞിട്ടുള്ളത്.

നിലവിൽ യുണൈറ്റഡിനൊപ്പം റൊണാൾഡോ ജോയിൻ ചെയ്തിട്ടില്ല. വ്യക്തിപരമായ ചില പ്രശ്നങ്ങൾ കൊണ്ടാണ് റൊണാൾഡോ ഇല്ലാത്തത് എന്നായിരുന്നു ഇതിന് കാരണമായി കൊണ്ട് ടെൻ ഹാഗ് ചൂണ്ടിക്കാണിച്ചത്.